| e-texts navigator |
| Wylie |
286a1 མཚན་གྱི་རྣམ་གྲངས་ཇི་ལྟར་གཟུང་།། ཞེས་གསོལ་པ་དང་།། དེ་ནས་དེ་བཞིན་གཤེགས་པ་རྣམ་པར་སྣང་མཛད་ཀྱིས་བཀའ་སྩལ་པ།། གསང་རྒྱུད་ཐེག་པའི་སྙིང་པོ་འདི།། ཉོན་མོངས་ཞེན་པའི
286a2 འབྲེལ་ཟག་ཆོད།། ཆོས་རྣམས་གསལ་བའི་ཡེ་ཤེས་སྒྲོན།། ཀུན་ཏུ་བཟང་པོའི་ཡེ་ཤེས་ཐུགས།། བདེ་ཆེན་མཛེས་པའི་ཡེ་ཤེས་རྒྱན།། གསལ་བའི་ཡེ་ཤེས་གསང་བའི་རྒྱུད།། འདི་ལ་མཐའ་དབུས་མེད་པས
286a3 ན།། ནམ་མཁའི་མཐའ་དང་མཉམ་པའི་རྒྱུད།། ཀུན་འདུས་མཉམ་པ་ཆེན་པོ་ཡིས།། གསང་བ་ཀུན་འདུས་རིག་པའི་གཏེར།། རང་བྱུང་འོད་གསལ་ཆེན་པོ་ལ།། ཞེན་པའི་བརྟགས་པ་གདོད་ནས་མེད།། མ་བཅོས
286a4 རང་སྣང་རྟོགས་པས་ན།། ཉོན་མོངས་ཞེན་པའི་འཕྲེང་ཐག་གཅོད།། ཐམས་ཅད་སེམས་སུ་འདུས་པས་ན།། སེམས་ཉིད་རང་གསལ་ཡེ་ཤེས་སྒྲོན།། མི་འགྱུར་ལྷུན་གྲུབ་རང་བྱུང་འདི།། ཇི་ལྟར་གནས་ཀྱང་ཀུན་ཏུ
286a5 བཟང་།། ཞེན་ཅིང་འཁྲུལ་པ་ཅིར་གྱུར་ཀྱང་།། རང་གསལ་ཡེ་ཤེས་ཀུན་ཏུ་བཟང་།། རིག་པ་བསམ་བྲལ་རྒྱལ་བའི་ཐུགས།། ཕྱོགས་མེད་བཏང་སྙོམས་ཆེན་པོ་ལ།། རྩོལ་བའི་སྡུག་བསྔལ་བྲལ་བས་བདེ།། བདེ་ཆེན
286a6 མཚན་ཉིད་ཀུན་ལས་འདས།། ཀུན་གྱི་འབྱུང་གནས་ལྷུན་གྲུབ་ཆེ།། རང་གསལ་ཡེ་ཤེས་དཀྱིལ་འཁོར་ནི།། སྐུ་དང་གསུང་ཐུགས་མཛེས་པའི་རྒྱན།། རང་གནས་ཡེ་ཤེས་བདེ་ཆེན་ཉིད།། རྣལ་འབྱོར་དགྱེས་པའི་རྒྱན
iiif viewer powered by OpenSeadragon
