| e-texts navigator |
| Wylie |
285b1 ཆེ་བ་ཉིད།། རྩོལ་བྲལ་ལྷུན་གྲུབ་ཐིག་ལེ་ཉིད།། བདག་ཉིད་ཆེན་པོའི་སངས་རྒྱས་ཡིན།། མཐའ་བྲལ་འོད་གསལ་ཆེན་པོ་ནི།། སངས་རྒྱས་མེད་པའི་ཆེ་བར་བཤད།། མི་འགྱུར་བརྡལ་ཁྱབ་སྤྲོས་པ་བྲལ།། ཅེས་ཀྱང
285b2 མི་བསྐྱོད་སེམས་ཉིད་ཆེ།། འདུ་འབྲལ་གཉིས་མེད་རྡོ་རྗེ་ཉིད།། ཕྱི་ནང་མེད་པའི་གསལ་ཁྱབ་ལ།། ཕྱི་ནང་གསང་བའི་སྒོ་ཕུགས་མེད།། ཡུལ་དང་དབང་པོ་གདོད་ནས་དག། མཚན་མ་གཞི་ལ་བའི་སྐུ་མེད་པའི།། རྡོ
285b3 རྗེ་སེམས་དཔའ་མི་འགྱུར་ཆེ།། ཡེ་ཤེས་མཁའ་གསལ་ཀུན་ཏུ་བཟང་།། བསམ་མེད་མཁའ་གསང་ཡེ་སངས་རྒྱས།། ཅིར་ཡང་མི་དགོངས་ཆོས་ཉིད་དང་།། མི་འདའ་ཕྱག་རྒྱར་འགྱུར་མེད་སེམས།། མི་རྩོལ་མཐའ
285b4 བྲལ་དབུ་མའི་ལམ།། མཁའ་ལྟར་ཁྱབ་པའི་བདེ་ཆེན་པོ།། རྒྱུ་འབྲས་གཉིས་མེད་ཡེ་ནས་རྫོགས།། ཞེས་གསུངས་སོ།། ཡེ་ཤེས་གསང་བའི་རྒྱུད་ལས། ཡེ་ཤེས་བསྟན་པའི་ལེའུ་སྟེ་བཅུ་གཅིག་པའོ།། །། དེ
285b5 ནས་སེམས་དཔའ་རྡོ་རྗེས།། དེ་བཞིན་གཤེགས་པ་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ།། ཀུན་ཏུ་བཟང་པོ་ཡེ་ཤེས་ཐུགས།། བདེ་ཆེན་གསུང་གི་འཁོར་ལོའི་བདག། བྱར་མེད་ཡེ་ཤེས་རོལ་པའི
285b6 སྐུ།། དབྱེར་མེད་རྡོ་རྗེ་མཆོག་གྱུར་ལ།། འདུས་པའི་འཁོར་ཚོགས་མོས་པས་འདུད།། རྩོལ་བྲལ་ཡེ་ཤེས་གསང་བའི་རྒྱུད།། ཆོས་ཉིད་གསང་བའི་ཆེད་དུ་གསུངས།། བདག་ཅག་འདུས་པའི་འཁོར་ཚོགས་ཀྱིས།།
iiif viewer powered by OpenSeadragon
