| e-texts navigator |
| Wylie |
284b1 འདི་ཀུན་ཏུ་བཟང་།། མ་ལུས་འདུས་པའི་སྙིང་པོ་མཆོག། ཐེག་པ་མཁའ་འདྲ་བལྟ་བའི་ཀློང་།། རྒྱ་མཚོ་ཡངས་པ་བདེ་བ་ཆེ།། ཀུན་འདུས་ཡེ་ཤེས་དག་པའི་འོད།། ཕྱོགས་མཚམས་ཀུན་ཏུ་གསལ་བར་འཕྲོ།། ཡེ
284b2 ཤེས་མེ་ལོང་ཐམས་ཅད་གསལ།། མ་བཅོས་གཟུགས་བརྙན་སྣང་བས་ན།། ཡེ་ཤེས་མེ་ལོང་དག་ཏུ་བཤད།། རང་རིག་ཡེ་ཤེས་འོད་གསལ་ལ།། མཐོ་དམན་རློམ་སེམས་ཆེ་ཆུང་མེད།། བདག་གཞན་གཉིས་མེད་རང
284b3 རིག་ལ།། འཛིན་པ་ཀུན་བྲལ་འོད་གསལ་དག། དབྱེར་མེད་ནམ་མཁའ་ལྟ་བུར་ཁྱབ།། སྣང་སྲིད་བྱང་ཆུབ་སེམས་སུ་མཉམ།། མཉམ་པ་རང་གསལ་ཕྱོགས་བཅུར་བརྡལ།། འོད་གསལ་རིག་པ་མཉམ་པར
284b4 བཤད།། བཅོས་མེད་དབྱིངས་ཀྱི་རང་བཞིན་ལ།། འཛིན་རྟོག་ཞེན་པའི་ཆོས་མེད་པས།། མི་འགྱུར་ཡེ་ཤེས་རང་བྱུང་ལ།། བདེན་པར་མི་འཛིན་བརྫུན་པའང་མིན།། འཛིན་མེད་རིག་པ་གཉིས་བྲལ་ལ།། གང་ཡང་མི
284b5 སྣང་ཀུན་ཏུ་བཟང་།། ཆོས་ཉིད་སེམས་ལ་དངོས་མེད་གསལ།། སྟོང་པ་ཀུན་མཁྱེན་ཡེ་ཤེས་ཟུགས།། དངོས་མེད་ཀུན་ལྡན་སྟོང་ཆེན་པོ།། འཛིན་མེད་རིག་པ་འོད་གསལ་བས།། སྟོང་ཉིད་ཡེ་ཤེས་དག་ཏུ་བཤད།། ཇི
284b6 ལྟར་སྣང་བའི་ཆོས་རྣམས་ཀུན།། གཉིས་མེད་རིག་པ་ཀ་དག་ལ།། ཡེ་ཤེས་རོལ་པ་མ་འདྲེས་གསལ།། ཀུན་བཟང་ཆོས་ཉིད་སྤྲོས་མེད་ལ།། རོལ་པའི་འཁོར་ལོ་བསམ་མི་ཁྱབ།། འདུ་ཞིང་འཕྲོ་བ་རྒྱ་མཚོ།
iiif viewer powered by OpenSeadragon
