| e-texts navigator |
| Wylie |
283b1 གྲགས་འགྱུར་ནས།། ཡང་སྦྲུལ་གང་ཟག་ཐུགས་སྲས་ཀྱིས།། འཛམ་གླིང་དབུས་སུ་རྒྱས་པར་བྱེད།། རྒྱལ་སྲས་གསང་བའི་སྣོད་ལྡན་ལ།། རྣ་བརྒྱུད་རིག་པ་སྔགས་ཀྱི་དོན།། འཕྲུལ་ཚིག་རིག་པའི་སྒོ་ནས
283b2 སྟོན།། གསང་འཛིན་རིག་པའི་སྣོད་ལྡན་རྣམས།། མ་བཅོས་གསལ་བའི་དོན་གོ་ནས།། རྣམ་གྲོལ་འབྲས་བུ་འཐོབ་པར་འགྱུར།། དེ་ནས་གསང་བ་དམ་པ་འདི།། མཐའ་འཁོབ་ཡུལ་དུ་རྒྱས་པར་འགྱུར།། དེར་ཡང
283b3 གསང་བ་དམ་པ་འདིས།། སྐལ་ལྡན་གདུལ་བྱའི་ངོ་གང་དུ།། རིག་པའི་སྒྲོན་མ་བྱེད་པར་འགྱུར།། དེ་ནས་ཐུགས་རྗེའི་སྐལ་མེད་པས།། གསང་བ་དམ་པ་ནུབ་པར་འགྱུར།། གསང་བའི་ཐེག་པ་དམ་པ་འདི།། གཞན
283b4 གྱིས་ནུབ་པར་མི་འགྱུར་ཏེ།། དྲི་མེད་བདུད་རྩི་རྟོགས་དཀའ་ལ།། རྣ་བརྒྱུད་འཕྲུལ་ཚིག་མི་ལྡན་པས།། སྒྲ་བཞིན་སྤྱད་ནས་སྨྲ་བ་དག། ལྷ་སྤྱོད་ལེག་པའི་ང་རྒྱལ་ཅན།། མ་བཅོས་རང་སྣང་རོལ་པ་དང་།། རྣམ་རྟོག
283b5 ཞེན་པའི་བརྟགས་པ་དག། བྱེ་བྲག་མ་ཕྱེད་རྨོངས་པ་དག། རྡོ་ལ་གསེར་དུ་འཛིན་པ་ལྟར།། འོད་གསལ་ལྷུན་གྲུབ་རང་སྣང་དང་།། བརྟགས་པའི་ཞེན་པ་བསྲེས་ནས་སྨྲ།། མ་བཅོས་རིག་པ་གདེང་མེད་པར།། རང
283b6 ལྟར་ཡ་རབས་མཐོ་འདོད་ནས།། བབ་ཅོལ་འདོད་ལྔ་སྤྱོད་པས་ལོག། དེ་ཡི་དུས་ཀྱི་གང་ཟག་རྣམས།། སྦྲེལ་མ་གཡང་དུ་ལྷུང་བ་བཞིན།། རྡོ་རྗེའི་ཁབ་ཏུ་ལྟུང་འགྱུར་ནས།། བྱང་ཆུབ་སེམས་ཀྱི་རིགས་དང
iiif viewer powered by OpenSeadragon
