| e-texts navigator |
| Wylie |
283a1 མེད་རྡོ་རྗེ་འགྱུར་མེད་ལས།། ཡེ་ཤེས་མི་འབྲལ་འཛིན་པའི་ས།། འཛིན་པའི་ཡུལ་ལ་མ་ཆགས་ཤིང་།། ཀུན་མཁྱེན་དྲི་མ་དང་བྲལ་བས།། མ་ཆགས་པདྨ་ཅན་གྱིས།། རང་ཉིད་གསལ་བ་ཀུན་འདུས
283a2 པས།། ཚོགས་ཆེན་དཀྱིལ་འཁོར་ཡི་གེའི་ས།། མི་ཕྱེད་སེམས་ལ་སྟུག་པོ་བཀོད།། བྱང་ཆུབ་སེམས་ཀྱི་རང་བཞིན་ལ།། དབྱིངས་དང་ཡེ་ཤེས་དབྱེར་མེད་པས།། ཀུན་བཟང་དབྱེ་བ་མེད་པའི་ས།། མ་སྤངས་སེམས
283a3 ཉིད་ས་དག་ལ།། ས་རྣམས་མ་ལུས་ཐམས་ཅད་འདུས།། སྦྱངས་པའི་ས་རྣམས་ཐམས་ཅད་ནི།། སྦྱང་མེད་ས་ལ་སྦྱངས་པས་ན།། བསམ་པས་བཞག་སྟེ་རང་བཞིན་ལོག། མཐར་ཟུག་མ་ཡིན་རང་འདོད་ས།། དེས་ན
283a4 མ་བཅོས་རྫོགས་པའི་ས།། རང་བྱུང་ལྷུན་རྫོགས་ཁྱད་པར་ས།། ས་ཡི་ཁྱད་པར་ཅིར་བསྟན་ཀྱང་།། མ་བཅོས་རྫོགས་པའི་ས་ལ་འདུས།། ཞེས་གསུངས་སོ།། ཡེ་ཤེས་གསང་བའི་རྒྱུད་ལས། ས་བསྟན་པའི་ལེའུ་སྟེ
283a5 དགུ་པའོ།། །། དེ་ནས་སེམས་དཔའ་རྡོ་རྗེས།། དེ་བཞིན་གཤེག་པ་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ།། ཐུགས་རྗེའི་མངའ་བདག་སྐྱོབ་པའི་ལྷ།། བསམ་གྱིས་མི་ཁྱབ་ཆེན་པོ་ཡིས།། གསང
283a6 བའི་ཐེག་པ་གསུངས་པ་འདི།། མ་འོངས་དུས་ན་ཇི་ལྟར་འབྱུང་།། ཞེས་གསོལ་པ་དང་།། དེ་བཞིན་གཤེགས་པ་རྣམ་པར་སྣང་མཛད་ཀྱིས་བཀའ་སྩལ་པ།། རྩོལ་བྲལ་གསང་བའི་ཐེག་པ་འདི།། ལྷ་གནས་གསུམ་དུ
iiif viewer powered by OpenSeadragon
