| e-texts navigator |
| Wylie |
282a1 རྫོགས་པ་ཆེ།། ཞེས་གསུངས་སོ།། ཡེ་ཤེས་གསང་བའི་རྒྱུད་ལས།། རྫོགས་པ་ཆེན་པོའི་དམ་ཚིག་བསྟན་པའི་ལེའུ་སྟེ་བརྒྱད་པའོ།། །། དེ་ནས་སེམས་དཔའ་རྡོ་རྗེས།། དེ་བཞིན་གཤེགས་པ
282a2 རྣམ་པར་སྣང་མཛད་ལ་འདི་སྐད་ཅེས་གསོལ་ཏོ།། བདག་ཅག་འདུས་པའི་འཁོར་ཚོགས་རྣམས།། ཐོག་མེད་དུས་ནས་རིན་ཆེན་བྲལ།། གསལ་མེད་ཁམས་གསུམ་འཁོར་བར་འཁྱམས།། དུས་འདིར་ཐུགས་རྗེའི་བྱིན
282a3 རླབས་ཀྱིས།། ཀུན་མཁྱེན་ཁྱེད་ཀྱི་འཁོར་དུ་འདུས།། རྟོག་པ་སེམས་སུ་ཤེས་པའི་ས།། ཀུན་མཁྱེན་ཁྱོད་ཀྱིས་གསུང་དུ་གསོལ།། ཞེས་གསོལ་པ་དང་།། དེ་བཞིན་གཤེགས་པ་རྣམ་པར་སྣང་མཛད་ཀྱིས་བཀའ་སྩལ
282a4 པ། རོལ་པའི་སྒྲ་ལ་སེམས་གཏོད་ཅིག། རང་བྱུང་ཡེ་ཤེས་སེམས་ཀྱི་ས།། བརྗོད་པའི་ཐ་སྙད་ཀུན་བྲལ་ཡང་།། དམན་པའི་བློ་ཡིས་རྟོགས་བྱའི་ཕྱིར།། རིག་པ་གསུང་གི་སྒོ་ནས་བསྟན།། མ་བཅོས་རང་སྣང་བླ་མའི
282a5 ས།། སྦྱངས་པས་མ་ཡིན་ཡེ་ནས་གྲུབ།། རང་བྱུང་རྣམ་དག་ཀུན་བཟང་ས།། དབྱེར་མེད་ཆེ་མཆོག་ཆོས་ཀྱི་སྐུ།། རྒྱུད་དང་མདོ་སྡེ་བླ་མེད་ས།། ཀུན་ཏུ་འོད་དང་རྡོ་རྗེ་འཛིན།། མ་ཆགས་པདྨ་སྟུག་པོ་བཀོད།། ཚེགས
282a6 ཆེན་ཡི་གེ་འཁོར་ལོ་དང་།། ཀུན་ཏུ་དབྱེ་བ་མེད་པའི་ས།། ས་དྲུག་སེམས་ལ་བགྲངས་པ་ཡང་།། མ་བཅོས་རྫོགས་པ་ཆེན་པོའི་ས།། རྟོགས་པའི་ཡོན་ཏན་དྲུག་ཏུ་བསྟན།། མ་བཅོས་ས་ལ་སྦྱང་པ་མེད།། འོད་གསལ
iiif viewer powered by OpenSeadragon
