| e-texts navigator |
| Wylie |
281b1 སྦྱངས་གདོད་ནས་དག། རང་བཞིན་འོད་གསལ་རིག་པ་ལ།། མ་ལུས་དགོངས་པ་ཐམས་ཅད་འདུས།། དུས་གསུམ་སངས་རྒྱས་ཐམས་ཅད་ལ།། རང་བཞག་དགོངས་པ་གཅིག་ལས་མེད།། རང་སྣང་མི་འགྱུར་ཆོས
281b2 ཉིད་ལ།། རང་བཞག་རིག་པ་མི་གདའ་ན།། སེམས་ཉིད་གཅིག་པུ་དམ་ཚིག་སྟེ།། དུས་གསུམ་སངས་རྒྱས་ཐམས་ཅད་ལ།། དམ་ཚིག་འདི་ལས་ཡོངས་མི་མངའ།། རྣམ་དག་རང་བཞིན་འོད་གསལ་ལ།། ལུས་དང
281b3 ངག་གི་བྱ་རྩོལ་མེད།། ཏིང་འཛིན་སེམས་ཀྱིས་རིམ་བཙལ་མེད།། འདི་ནི་ཚིག་དང་བྲལ་བ་སྟེ།། གྱི་ན་ལྷུན་གྲུབ་དམ་ཚིག་ཡིན།། ལྷུན་གྲུབ་དམ་ཚིག་རྩོལ་བྲལ་ལ།། བཙལ་བའི་དམ་ཚིག་ཡེ་ནས་མེད།། སེལ་མེད
281b4 རིན་ཆེན་གླིང་བཞིན་དུ།། རྣམ་དག་ཡེ་ཤེས་རང་བྱུང་ལ།། སྐྱོན་གྱི་རང་བཞིན་ངང་གིས་དག། གཞི་རྩ་མེད་པའི་སེམས་ཉིད་ལ།། བཏགས་པའི་འཛིན་པ་རྣམ་པར་དག། ལྷུན་གྲུབ་འོད་གསལ་དག་པ་ལ།། རྣམ་རྟོག
281b5 བརྟག་པའི་སེམས་གྲུབ་ན།། མུ་སྟེགས་སངས་རྒྱས་ཅི་ལ་རྩོད།། སངས་རྒྱས་སེམས་ཅན་ཅི་ལ་གདགས།། རྟོགས་པ་དངོས་ལ་གྲུབ་པ་ན།། རིན་ཆེན་འཕྲུལ་གྱི་ལྡེ་མིག་གིས།། ཐ་མལ་ཞེན་པ་ཅི་ལྟར་བཟློག། ལྷུན
281b6 གྲུབ་དམ་ཚིག་བྱ་བཙལ་མེད།། ལྷུན་གྲུབ་རིན་ཆེན་སྙིང་པོ་ལྟར།། གཅིག་རྫོགས་རང་གསལ་དག་པར་རྫོགས།། ཀུན་རྫོགས་རང་བྱུང་སེམས་སུ་རྫོགས།། ཐམས་ཅད་ལྷུན་གྲུབ་རྣམ་པར་རྫོགས།། དེས་ན་ལྷུན་གྲུབ
iiif viewer powered by OpenSeadragon
