| e-texts navigator |
| Wylie |
280b1 ཡོད།། མ་བཀག་ཅི་བདེར་རྟོགས་པར་སྤྱོད།། སྣང་གསལ་རིག་པའི་གདེང་ལྡན་ན།། གདུལ་བྱ་མོས་པའི་ངོ་དག་ཏུ།། སྣ་ཚོགས་སྤྱོད་པ་རྒྱ་མཚོ་སྤྱོད།། གང་ཡང་མ་བཀག་ཀུན་ཏུ་བཟང་།། མཐར་ཕྱིན་དུས་གསུམ
280b2 སངས་རྒྱས་ཀྱིས།། དུག་ལྔ་རྟོགས་པའི་སྤྱོད་པ་ཡིས།། བྱ་བཙལ་ཀུན་བྲལ་ལྷུན་གྱིས་གྲུབ།། དུས་གསུམ་སངས་རྒྱས་གང་ལ་ཡང་།། སྤྱོད་པ་དེ་ལས་ཡོངས་མི་མངའ།། རྣམ་དག་སེམས་ཀྱི་སྤྱོད་རྟོགས་ན།། རྩོལ
280b3 བའི་སྤྱོད་པ་ལོག་པའི་ཆོས།། ལྷག་པའི་སྤྱོད་པ་འོད་གསལ་ཐུགས།། གང་ལ་སེམས་ཉིད་ལྷག་སྤྱོད་ཀྱང་།། ལྷག་པའི་སྤྱོད་པ་མོས་པ་འཇུག། སྐལ་ལྡན་ལྷག་པའི་དོན་ཟིན་ཀྱང་།། ཆེ་ལ་དམིགས་པའི་ཆ་སྙོམས
280b4 པས།། གོང་འོག་དམིགས་པའི་སེམས་དང་བྲལ།། རང་བཞིན་ནམ་མཁའ་རྡོ་རྗེ་དང་།། མཐུན་འཇུག་འགྲོ་འདུལ་ཐབས་ཀྱིས་སྤྱོད།། ཅེས་གསུངས་སོ།། ཡེ་ཤེས་གསང་བའི་རྒྱུད་ལས། བྱ་བ་དང་བྲལ་བའི་སྤྱོད་པ
280b5 བསྟན་པའི་ལེའུ་སྟེ་བདུན་པའོ།། །། དེ་ནས་སེམས་དཔའ་རྡོ་རྗེས། དེ་བཞིན་གཤེགས་པ་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ།། གསང་འཛིན་ཐུགས་རྗེའི་མངའ་བདག་ཁྱོད།། རོལ་པའི་འཁོར
280b6 ལོ་གསུང་གི་བདག། སྐུ་ཡི་འཁོར་ལོ་མཁའ་ལྟར་ཁྱབ།། སྙིང་པོའི་དོན་ལྡན་ཀུན་མཁྱེན་ཐུགས།། སྔགས་ཀྱི་བདག་ཉིད་སྐྱོབ་པ་ལ།། འདུས་པའི་འཁོར་ཚོགས་མོས་པ་ཡིས།། དམ་ཚིག་གསང་བའི་དོན་ཞུ
iiif viewer powered by OpenSeadragon
