| e-texts navigator |
| Wylie |
280a1 གྱིས་གཟུང་བར་བྱ།། ལུས་ངག་གཙོ་རུ་འཇོག་བྱེད་ན།། དེ་ཡང་སྤྱོད་ཉིད་སྤྱོད་མ་ཡིན།། སྤྱོད་མེད་རིག་པའི་སྤྱོད་པ་ལ།། རྩོལ་མེད་འབྲས་བུ་ལྷུན་གྱིས་གྲུབ།། བཅོས་མེད་སེམས་ཀྱི་རང་བཞིན
280a2 ལ།། བཅོས་པའི་སྤྱོད་པ་ཕྱིན་ཅི་ལོག། དངོས་བྲལ་རིག་པ་བདག་མེད་ལ།། བཏགས་པའི་བདག་འཛིན་ལོག་པ་བཞིན།། འོད་གསལ་རིག་པ་ལྷུན་གྲུབ་ལ།། རྩོལ་བའི་སྤྱོད་པས་སེམས་མི་མཐོང་།། བསམ་གྱིས་མི
280a3 ཁྱབ་འོད་གསལ་སེམས།། འགྱུར་མེད་དབྱིངས་ལས་མ་གཡོས་ཀྱང་།། རང་སྣང་ལྷུན་གྲུབ་བྱིན་རླབས་ལས།། སྐལ་ལྡན་བསམ་པ་ཇི་བཞིན་དུ།། འགྲོ་འདུལ་ཐབས་ཀྱི་སྤྱོད་པ་མཛད།། རང་སེམས་པདྨ་བཞིན་དག
280a4 ནས།། གཞན་དག་ཇི་ལྟར་མོས་བཞིན་མཛད།། གཡེམ་པར་འདོད་ལ་གཡེམ་པ་ཉིད།། རང་སེམས་གང་འཐད་སྒོ་དང་བསྟུན།། ཞེ་སྡང་མནར་སེམས་ང་རྒྱལ་ཉིད།། ཐབས་ཉིད་གསང་བའི་ལམ་དུ
280a5 བསྟན།། ཉན་ཐོས་ལ་སོགས་འཇུག་པའི་སྒོ།། གང་མོས་མཐུན་པའི་ཐབས་ཀྱིས་བསྟན།། གསང་དོན་རྟོགས་ན་གང་ཡང་རུང་།། རང་བྱུང་ཡེ་ཤེས་ཉག་གཅིག་ལ།། གསང་བའི་དཀྱིལ་འཁོར་གྲངས་མེད་པ།། མཐུན
280a6 འཇུག་ཐབས་སུ་བསྟན་པ་ཡིན།། ཅི་ཡང་ཡིན་ནོ་གང་ཡང་རུང་།། སུ་ཞིག་ཐུགས་ཀྱི་དཀྱིལ་འཁོར་དུ།། གཏེར་དང་ལྡན་ནོ་ཁྱད་པར་ཆེ།། མ་བཀག་སེམས་རྟོགས་ཁྱད་པར་ལས།། སྒྲིབ་པར་གྱུར་པ་གང་ཞིག
iiif viewer powered by OpenSeadragon
