| e-texts navigator |
| Wylie |
279a1 ཀུན་གྱི་བདག་ཉིད་ཡིན།། ཆོས་སྐུ་འབྲས་བུ་རང་གསལ་ལ།། རིན་ཆེན་འབར་བ་ལྷུན་གྲུབ་ལྟར།། ཐུགས་རྗེའི་བྱིན་རླབས་འདོད་དགུ་འཆར།། སྐལ་ལྡན་རང་རྐྱེན་ཉི་མ་བཞིན།། སེམས་ཅན་དུས་ན
279a2 སྐབས་ཀྱིས་མཐུན།། ལྷུན་གྲུབ་དུས་ན་ཕྱོགས་རིས་མེད།། འོད་གསལ་རིག་པའི་དཀྱིལ་འཁོར་ན།། རང་སྣང་འབྲས་བུ་རྒྱ་མཚོར་འཁྱིལ།། གསལ་བར་འབྲས་བུ་བདག་གཞན་མེད།། བདག་གཞན་འབྲས་བུར་སྣང
279a3 བ་ལ།། དངོས་དང་བསམ་པ་སྐབས་ཀྱིས་ཤེས།། གསལ་བར་རིག་པའི་བྱིན་རླབས་ནི།། ཆོས་ཉིད་རིག་པའི་གཞི་ལ་རྫོགས།། སྙིང་པོ་དོན་གྱི་གཞི་རྟོགས་ནས།། རང་བཞིན་ཚོགས་རྫོགས་སྒྲིབ་པ་མེད།། གཉིས
279a4 ཀྱིས་མི་བསྒྲུབ་སྤང་པ་མེད།། སྤང་མེད་ཐིག་ལེ་ཉིད་ཀྱི་དབྱིངས།། མཚོན་མེད་སེམས་ཀྱི་འབྲས་བུ་ནི།། རིག་མའི་བདེ་བས་མཚོན་དུ་མེད།། འོད་གསལ་རྒྱུ་འབྲས་གཉིས་མེད་ལ།། རྒྱུ་འབྲས་གཉིས་སུ་རྟོག་པ
279a5 མིན།། གསལ་བར་རྫོགས་པའི་འབྲས་བུ་ནི།། འབྱུང་བ་ལྔ་ལ་རག་མ་ལས།། སྐུ་གསུང་ཐུགས་ལ་རྟེན་མི་འཆའ།། ཞེས་གསུངས་སོ།། ཡེ་ཤེས་གསང་བའི་རྒྱུད་ལས། རིན་ཆེན་གསལ་བར་བྱེད་པའི་ལེའུ་སྟེ་དྲུག
279a6 པའོ།། །། དེ་ནས་སེམས་དཔའ་རྡོ་རྗེས།། དེ་བཞིན་གཤེགས་པ་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ།། འོད་གསལ་ཐུགས་རྗེ་ལྷུན་གྲུབ་ཁྱོད།། རོལ་པའི་མཛད་པ་འབུམ་ཕྲག་ཡས།། འོད
iiif viewer powered by OpenSeadragon
