| e-texts navigator |
| Wylie |
278b1 རྟོག་པ་དག། རང་བྱུང་ཡེ་ཤེས་ཉིད་དུ་གསལ།། མི་རྩོལ་བདེ་བའི་སེམས་ལ་གནས།། མི་འགྱུར་སྤྲོས་བྲལ་ཆོས་ཉིད་ལ།། འཛིན་བྲལ་བཏང་སྙོམས་རྣལ་འབྱོར་གྱིས།། སྐྱོན་ཉིད་བྱང་ཆུབ་སེམས་སུ་མཐོང་།། གཉིས
278b2 མེད་འོད་གསལ་ཆེན་པོ་ལ།། སྐྱོན་སྤང་ཡོན་ཏན་བླང་དུ་མེད།། བསམ་པ་མ་ལུས་སེམས་སུ་ཤེས།། མཐར་ཕྱིན་བྱང་ཆུབ་སེམས་ཀྱི་ལམ།། མར་མེའམ་པདྨ་འབབ་ཆུ་སོགས།། ཚིག་དང་སྐབས་ཀྱིས་དོན་ལ
278b3 སྦྱོར།། ལུས་དང་ངག་གི་རྩོལ་བ་དང་།། ཏིང་འཛིན་སེམས་ཀྱི་རིམ་མེད་པར།། ཐམས་ཅད་སྒྲོལ་བའི་རྫོགས་པའི་ལམ།། རེག་པའི་གནས་སུ་རྟོགས་པས་ཕྱིན།། དེས་ན་མཐར་ཕྱིན་འབྲས་བུའི་ལམ།། ཡེ་ནས་ཡོད
278b4 མེད་རྣམ་དག་ལམ།། སྐྱོན་ཡོན་རྣམ་དག་ཀུན་ཏུ་བཟང་།། དབྱེར་མེད་ཐམས་ཅད་མཚུངས་པའི་ལམ།། བྱང་ཆུབ་སེམས་ལ་རྒྱུ་མེད་པས།། རྒྱུ་ཡིས་བསྒྲུབ་པའི་འབྲས་བུ་མིན།། དང་པོ་ཡེ་ཤེས་རྒྱུ་མེད་པས།། རང
278b5 གསལ་ཉག་གཅིག་དྲི་མ་མེད།། རྩོལ་མེད་ནམ་མཁའ་བཞིན་དུ་གནས།། སངས་རྒྱས་སེམས་ཅན་ཀུན་ལ་ཁྱབ།། དེ་ཉིད་རྟོགས་པས་འབྲས་བུའི་ས།། འདས་པ་མ་འོངས་ད་ལྟར་ཡང་།། རྟོགས་པ་སྔ་ཕྱིའི་ཁྱད་པར
278b6 ལས།། དུས་གསུམ་གཅིག་སྟེ་ཁྱད་པར་མེད།། མ་བཅོས་ཐུགས་ཀྱི་རིག་པ་ལས།། སྔོན་མེད་ཕྱིས་མེད་ཉག་གཅིག་གསལ།། རང་བྱུང་འོད་གསལ་གདོད་ནས་ཡོད།། རྒྱུ་མེད་འབྲས་བུ་བྱང་ཆུབ་སེམས།། འབྲས་བུ
iiif viewer powered by OpenSeadragon
