| e-texts navigator |
| Wylie |
278a1 མེད་རིག་པ་རང་སྣང་ལ།། ཡེ་ཤེས་རོལ་པ་མི་འགག་པས།། ཆུ་ཡི་གཉེར་མ་ལྟ་བུར་བཤད།། མ་བཅོས་སེམས་ཀྱི་མཚན་ཉིད་ལ།། རྩོལ་བས་བཀག་པ་མ་ཡིན་ཡང་།། གདོད་ནས་དག་པ་དྲི་མེད
278a2 པས།། ཉི་མ་ཤར་བ་ལྟ་བུར་བཤད།། ཐ་དད་རྟག་པར་འཛིན་པ་རྣམས།། རོལ་པའི་སྣང་བ་བཀག་པས་ཆད།། མཐའ་བྲལ་དབུ་མའི་དོན་འཛིན་པས།། མཐའ་གསུམ་གསལ་བའི་དགོས་པའོ།། རང་སྣང་ལྷུན་གྲུབ
278a3 ཡེ་གནས་ལ།། བགྲོད་པའི་ལམ་གྱིས་བཙལ་མི་དགོས།། མཐའ་མེད་ནམ་མཁའ་ལྟ་བུ་ལ།། བགྲོད་པས་ཕྱིན་པར་ག་ལ་འགྱུར།། སེམས་ལ་བགྲོད་པས་ཕྱིན་འདོད་ན།། མཁའ་ལ་ཚད་ཀྱིས་འཇལ་བ་འདྲ།། ལམ
278a4 བསྟན་པ་དང་ལམ་གྱི་དཔེ།། ངེས་པའི་དོན་ལྡན་དེ་ཉིད་ཡིན།། དོན་གྱི་ལམ་དང་ཚིག་གི་ལམ།། དོན་གྱི་ཟུག་ཕྲད་གསུམ་ཡིན་ལ།། དེ་ཡི་བརྡ་ཕྲད་ཚིག་གི་ལམ།། ཡེ་ཤེས་བགྲོད་མེད་རྫོགས་པའི་ལམ།། རྣམ་གྲོལ
278a5 འབྲས་བུ་ཀུན་གྱི་རྒྱུ།། ཡེ་ཤེས་གསང་བའི་དོན་རྟོགས་ན།། མི་གཡོ་སེམས་ཀྱི་དཀྱིལ་འཁོར་ན།། ཐེག་པ་ཀུན་གྱི་འབྲས་བུ་འཆར།། དེས་ན་ཀུན་གྲོལ་དགོངས་པའི་ཐུགས།། ལམ་ལ་རིམ་མེད་ཅིག་ཅར
278a6 འཇུག། རྣམ་རྟོག་ཕྲ་རགས་རིམ་གྱིས་ཤེས།། ཚིག་ལམ་རྐྱེན་གྱིས་མ་མཚོན་པར།། མ་བཅོས་སེམས་ཀྱི་དོན་མི་ཤེས།། ཚིག་གིས་ལམ་གྱི་དོན་ལ་སྦྱོར།། གསང་དོན་མཐོང་བས་བདེ་བའི་ས།། འཛིན་པ་རགས་པའི
iiif viewer powered by OpenSeadragon
