| e-texts navigator |
| Wylie |
277b1 རྒྱན།། མི་བསམ་མི་ཡེངས་དགོངས་པའི་ཀློང་།། རྒྱལ་ཐབས་སྤྱི་བླུགས་ཚངས་པའི་དབང་།། བགྲོད་མེད་མཐར་ཕྱིན་སེམས་ཀྱི་ལམ།། བཅོས་མེད་དམ་ཚིག་གདོད་ནས་དག། རང་སྣང་འབྲས་བུ་ལྷུན་གྲུབ
277b2 ཀློང་།། སེམས་ཉིད་མ་བཅོས་རྣལ་མའི་གཞི།། དོན་དང་ངེས་ཚིག་དཔེ་ཡིས་བསྟན།། གཞི་དོན་ལྷུན་གྲུབ་རྣམ་གསུམ་ལ།། རྣམ་པ་རང་བཞིན་མཚན་ཉིད་རྣམས།། བདེ་བ་ཆེན་པོ་ལྷུན་གྲུབ་པ།། དུས་གསུམ་བདེ
277b3 གཤེགས་ཡེ་ཤེས་དང་།། འགྲོ་དྲུག་སེམས་ཀྱིས་མ་བཅོས་པ།། ཐ་དད་མ་ཡིན་རང་བཞིན་གཅིག། རྣམ་པ་ལྷུན་གྲུབ་སྒྱུ་མ་ནི།། རོལ་པ་བཟུང་བ་ངོས་བཟུང་མེད།། རང་གི་མཚན་ཉིད་ལྷུན་གྲུབ་ལ།། གཟུང་འཛིན།
277b4 བཏགས་པ་གང་གིས་མེད།། དེ་ཉིད་དེ་ཡི་རང་བཞིན་ནོ།། མ་ལུས་དོན་གྱི་སྙིང་པོ་གཞི།། མི་ཤེས་རྟོག་པའི་རང་བཞིན་ཏེ།། རྟོག་ཙམ་ཉིད་ན་མི་རྟོག་པ།། ཐམས་ཅད་རོལ་པས་འཁོར་བའང་ཡིན།། འཛིན་རྟོག་མེད
277b5 པས་སངས་རྒྱས་ཡིན།། འཆིང་བ་བྲལ་བ་བལྟ་བ་ཡིན།། རང་འབར་གསལ་བའི་སྙིང་པོ་འབར།། མ་ལུས་འདུས་པའི་ལུས་པོ་ཆེ།། གཅིག་ནི་ཀུན་གྱི་རང་བཞིན་ཏེ།། ལྷག་མ་མེད་པར་ཡོངས་སུ་རྫོགས།། རིག་པའི
277b6 འཁོར་ལོ་འབུམ་ཕྲག་ལས།། གཞི་མཚོན་དཔེ་ཡི་རང་བཞིན་ནི།། མུན་པ་ཆུ་དང་ཉི་མས་བསྟན།། སེམས་ཉིད་རིག་པ་ཀ་དག་ལ།། ཞེན་པས་བརྟགས་པས་སྣང་མེད་པས།། སྨག་གི་མུན་རུམ་ལྟ་བུར་བཤད།། དངོས
iiif viewer powered by OpenSeadragon
