| e-texts navigator |
| Wylie |
26b1 སྡོམ་ལ་རག་མ་ལུས།། དེ་ལྟར་ཤེས་པས་ལུས་ཀྱི་ཐོག་མཐའ་ཆོད།། ཤ་ཁྲག་ལུས་ལ་རྩ་རླུང་ཐིག་ལེ་འདུས།། འདུས་པ་ནང་དུ་བྱུང་བས་འབྱུང་བ་ལྔ་ཞེས་བྱ།། འབྱུང་འཁྲུག་ནང་དུ་འོང་བའི་གནད་ཀ་དེ་ལྟར
26b2 ཡིན།། མིག་གཉིས་ཆུ་བུར་འོང་བ་ནི།། ཕ་མའི་མངལ་དུ་ཁུ་ཆུ་དངས་མ་འདུ།། ཕ་དང་མ་ཡི་སྲེད་ལེན་བྱས་པས་ནི། ཆུ་བུར་མིག་གཉིས་འོང་བ་དེ་ལྟར་ཡིན།། དབང་པོའི་དངས་མ་གཉིས་འདུས་པས།། དབང་པོའི
26b3 དངས་མ་མིག་ཏུ་འོང་བ་དེ་ལྟར་ཡིན།། དེ་ཡིས་ལྷ་མཐོང་འདྲེ་མཐོང་ཟེར་བ་ཆུ་བུར་མིག་ལ་སྣང་།། ལྷ་འདྲེ་གཉིས་སུ་འོང་བ་དེ་ལྟར་ཡིན།། རྟོག་མེད་རྟོག་པའི་བར་ན་འགྱུ་བ་གནས།། འཁོར་བ་མྱང་འདས་གཉིས
26b4 སུ་འོང་བ་དེ་ལྟར་ཡིན།། དེ་ཕྱིར་མིག་གི་ཐོག་མཐའ་མ་ཆོད་ན།། འཁོར་བའི་སྣང་བ་བཀག་པས་ཁེགས་པར་དཀའ།། གཉིས་སུ་སྣང་ཡང་ཡོད་པ་གཅིག་ལས་མེད།། གཉིས་མེད་མིག་གཅིག་ཡོད་པའི་ཕྱིར།། སྤྱན
26b5 གྱི་གཞི་དང་རྒྱུ་དང་རྐྱེན།། ཟ་མ་དངོས་པོ་མ་ཤེས་ན།། ཡེ་ཤེས་སྤྱན་ཆེན་འཆར་བའི་དུས་མ་མཆིས།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས།། ངོ་སྤྲོད་རང་སྣང་གི་ལེའུ་སྟེ་ཉེར་གཅིག
26b6 པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། རབ་ཀྱི་ངོ་སྤྲོད་དེ་ལྟར་བསྟན།། འབྲིང་གི་ངོ་སྤྲོད་བསྟན་པ་ནི།། དང་པོ་གཞི་ལ་སྤྱན་གསུམ་གནས།། སྤྱན་གསུམ་རྒྱུ་རྐྱེན་བསྟན།
iiif viewer powered by OpenSeadragon
