| e-texts navigator |
| Wylie |
267b1 སྣའི་ལས་ཀྱི་རྣམ་སྨིན་གྱིས།། ཡི་དྭགས་བཀྲེས་སྐོམ་གནས་སུ་སྐྱེ།། བཀྲེས་སྐོམ་སྡུག་བསྔལ་མྱོང་འགྱུར་ཡང་།། སེར་སྣ་མ་བཅོས་བྱང་ཆུབ་སེམས།། སེམས་ཉིད་རང་བཞིན་སྟོང་པའི་ཕྱིར།། དེས་ན་དབྱིངས་ལ
267b2 འགྱུར་བ་མེད།། གཏི་མུག་ལས་ཀྱི་རྣམ་སྨིན་གྱིས།། དུད་འགྲོའི་གནས་སུ་བླུན་ལྐུགས་མྱོང་།། རིག་པ་ཕྲ་མོའི་ཆོས་ཤེས་ཀྱང་།། གཏི་མུག་མ་བཅོས་བྱང་ཆུབ་སེམས།། ཡུལ་ཡང་དེ་ལྟར་རིག་པས་ན།། གཏི་མུག་མ
267b3 སྤངས་གནས་སུ་དག། ཞེ་སྡང་ལས་ཀྱི་རྣམས་སྨིན་གྱིས།། དམྱལ་བའི་གནས་སུ་སྡུག་བསྔལ་མྱོང་།། ཞེ་སྡང་ཡེ་ཤེས་ཉིད་དུ་ཤེས།། ཐམས་ཅད་དེ་ལྟར་ཤེས་པས་ན།། ཅི་ཡང་མིན་པར་ཆོས་རྣམས་ཤེས།། ཐམས
267b4 ཅད་མཁྱེན་པའི་སྤྱན་གྱི་མཆོག། སྙིང་པོའི་དོན་གྱི་ཆོས་རྣམས་གསལ།། བསྟན་པ་རྒྱུ་འབྲས་ཐེག་པ་གསུམ།། འདུལ་མཛད་སྟོན་པ་དྲུག་སྣང་སྟེ།། ལྷ་ཡི་དབང་པོ་རྡོ་རྗེ་འཛིན།། ལྷ་མིན་སྟོན་པ་སྲིད་ཐུབ་འཛིན།། མི
267b5 ཡི་ཐུབ་པ་ཐུབ་དབང་པོ།། དུད་འགྲོའི་སྟོན་པ་གསལ་བྱེད་འབར།། ཡི་དྭགས་སྟོན་པ་སྟོབས་ཀྱི་བདག། བསིལ་བྱེད་འབར་བ་ཐུགས་རྗེའི་བདག། གདུལ་བྱ་འགྲོ་བ་དྲུག་ཡོད་པས།། ཡེ་ཤེས་རྣམ་པ་དྲུག་ཏུ
267b6 ཤར།། གང་ཟག་བློ་ལ་འཚམས་ཕྱོགས་སུ།། གང་དང་མཐུན་པའི་སྒོ་ནས་སྟོན།། ཞེས་གསུངས་སོ།། ཡེ་ཤེས་གསང་བའི་རྒྱུད་ལས། སྐུ་གསུམ་བསྟན་པའི་ལེའུ་སྟེ་གསུམ་པའོ།། །། དེ་ནས་སེམས་དཔའ་རྡོ།
iiif viewer powered by OpenSeadragon
