| e-texts navigator |
| Wylie |
267a1 གཉིས་མེད་ལ།། བསྐུར་བའི་ཆ་གཉིས་མི་རྟོག་ཀྱང་།། བརྡ་དོན་སྤྲད་པའི་མན་ངག་སྦྱིན།། ཐུགས་རྗེའི་རང་བཞིན་སྤྲུལ་པར་ཤར།། སྣ་ཚོགས་གདུལ་བྱའི་བསམ་པ་བཞིན།། ལམ་གཉིས་ཐོབ་ཀྱང
267a2 འགྲོ་དྲུག་འཁྱམས།། བསྟན་པ་སྡེ་སྣོད་གསུམ་དུ་བསྟན།། ཞིང་ཁམས་སྟོང་གསུམ་འཇིག་རྟེན་ཁམས།། ཐུགས་རྗེའི་གནས་ལ་ངེས་པ་མེད།། མ་བཅོས་རང་བྱུང་ཡེ་ཤེས་ནི།། རང་བྱུང་ཡེ་ཤེས་ལྔར་སྣང་ལ།། ཕྱིན
267a3 ཅི་ལོག་གི་བསམ་པ་ཡིས།། ཡེ་ཤེས་ཉིད་དུ་མ་རྟོགས་ཏེ།། ཡང་དག་ཞེན་པ་ལྔ་རུ་མཐོང་།། ཞེན་པ་ལྔ་ཡི་འབྲས་བུ་ནི། ཁམས་གསུམ་སེམས་ཅན་ཉིད་དུ་ཤར།། ངོ་བོ་སེམས་ལ་འགྱུར་བ་མེད།། འདོད་ཆགས་ལས
267a4 ཀྱི་ནམ་སྨིན་གྱིས།། ལྷ་ཡི་གནས་སུ་སྐྱེས་ནས་ཀྱང་།། ལྟུང་བའི་སྡུག་བསྔལ་ཡང་དག་མྱོང་།། འདོད་ཆགས་དངོས་ལ་མ་གྲུབ་པས།། འདོད་ཆགས་ཡེ་ཤེས་ཉིད་དུ་དག། བྱང་ཆུབ་སེམས་ལ་བསྐྱོད་པ་མེད།། ང་རྒྱལ
267a5 ལས་ཀྱི་རྣམ་སྨིན་གྱིས།། ལྷ་མིན་གནས་སུ་སྐྱེས་ནས་ཀྱང་།། འཐབ་རྩོད་སྡུག་བསྔལ་དངོས་མྱོང་ཡང་།། ང་རྒྱལ་ངོ་བོ་ཤེས་པ་ན།། ང་རྒྱལ་མ་སྤངས་གནས་སུ་དག། དེ་བས་ང་རྒྱལ་མི་གནས་སྟོང་།། ཕྲག་དོག་ལས
267a6 ཀྱི་རྣམ་སྨིན་གྱིས།། མི་ཡི་གནས་སུ་སྐྱེ་འགྱུར་ནས།། སྡུག་བསྔལ་སྣ་ཚོགས་མྱོང་འགྱུར་ཡང་།། ཕྲག་དོག་ཆོས་ཀྱི་དབྱིངས་ཡིན་པས།། ཕྲག་དོག་མ་སྤངས་གནས་སུ་དག། དེས་ན་བྱང་ཆུབ་དབྱིངས་མི་བསྐྱོད།། སེར
iiif viewer powered by OpenSeadragon
