| e-texts navigator |
| Wylie |
265b1 མགོན་ཐུགས་རྗེ་ཆེན་པོ་ཡིས།། སྐལ་ལྡན་འདུས་པའི་ཚོགས་ཆེན་ལ།། བྱང་ཆུབ་སེམས་ཀྱི་རང་བཞིན་ནི།། གང་ལ་གསང་བ་བསྟན་དུ་གསོལ།། ཞེས་གསོལ་པ་དང་།། དེ་བཞིན་གཤེགས་པ་རྣམ་པར་སྣང་མཛད
265b2 ཀྱིས་བཀའ་སྩལ་པ།། སྟོན་པ་གསུམ་དང་རིམ་པ་བརྒྱད།། ཕྱིན་ཅི་ལོག་གསུམ་འགྲོ་དྲུག་ལ།། ཡེ་ཤེས་གསང་བ་ཉིད་དུ་བསྟན།། སྣང་བ་མ་བཅོས་ཆོས་ཀྱི་སྐུ།། རིག་པ་མ་སྤངས་ལོངས་སྤྱོད་རྫོགས།། ཐུགས་རྗེ
265b3 སྤྲུལ་པའི་སྐུ་རུ་ཤར།། ཆོས་སྐུ་ནམ་མཁའི་ཁམས་ཀུན་ཁྱབ།། ཞིང་ཁམས་སྣང་སྲིད་ཐམས་ཅད་ཡིན།། དུས་གསུམ་སངས་རྒྱས་ཐམས་ཅད་དང་། ཁམས་གསུམ་སེམས་ཅན་ཐམས་ཅད་ནི།། ཆོས་སྐུ་མ་བཅོས་འཁོར
265b4 དུ་འདུས།། རིག་པ་གསུམ་གྱི་བསྟན་པ་སྒྲོགས།། གསང་སྔགས་གཏེར་གྱི་མཛོད་འཛིན་ཅིང་།། མི་རྟོག་བརྡའ་མཇལ་གོ་ཞིང་རྟོགས།། སྤྲོས་མེད་བྱང་ཆུབ་སེམས་སུ་ཤར།། དེ་ལ་འདུ་ཞིང་འཕེལ་བའི་ཕྱིར།། ཐམས
265b5 ཅད་དེ་ཡི་འཁོར་དུ་བཤད།། ཆོས་སྐུ་དག་ལ་འགྱུར་མེད་པས།། མ་བཅོས་རང་བཞིན་དག་པ་ཡིན།། ཆོས་སྐུ་རང་བཞིན་སྤྲོས་མེད་པས།། ཡེ་ཤེས་སྐུ་ལ་སྤྲོས་མེད་གསལ།། དེས་ན་བྱིན་གྱིས་རླབས་ཀྱིས
265b6 བཤད།། ལོངས་སྤྱོད་རང་རིག་ཉིད་ཡིན་ཏེ།། གཟུགས་སུ་སྣང་བ་རྣམ་པ་ཡིན།། འདོད་པའི་བདེན་པ་ཐམས་ཅད་དང་།། རྒྱུད་ཀུན་མ་ལུས་ཐུན་མོང་གིས།། བདེ་བ་ངོས་འཛིན་རང་རིག་ཀྱང་།། རིག་པ་ཉིད་ན་གདོད
iiif viewer powered by OpenSeadragon
