| e-texts navigator |
| Wylie |
265a1 ན།། རང་བཞིན་ཐོག་ཏུ་ཕེབས་པར་འགྱུར།། གདོད་ནས་མ་བཅོས་ཤིན་ཏུ་དགེ། བསམ་དང་བྲལ་བས་དེ་བཞིན་ཞོག། སེམས་ཀྱིས་རིག་པ་རྟོགས་གྱུར་ན།། སེམས་ཀྱི་རྟོགས་པ་བསམ་མི་ཁྱབ།། རྒྱུད
265a2 འགྲེལ་ཚིག་གིས་མ་བཀྲོལ་བར།། གཏན་ཚིགས་རིགས་པས་འབྱིན་པར་ནུས།། ཐོས་པ་བསམ་པ་བསྒོམ་པ་གསུམ།། རྟོགས་པ་ཟླ་སྐར་ཉི་མ་བཞིན།། བྱང་ཆུབ་སེམས་ཀྱི་ངོ་བོ་ནི།། དམན་པའི་སེམས་ཀྱི་མི་རྟོགས
265a3 ཏེ།། གཏན་ཚིགས་གསུམ་གྱིས་ཤེས་པར་བྱ།། རང་གིས་རིག་པ་གསལ་བ་སྟེ།། རང་བཞིན་རིག་པ་ཅིར་ཡང་སྣང་།། བདག་ཉིད་སྣང་སྟོང་ཐ་དད་མེད།། བསྒྲུབ་བྱ་དག་གི་རང་བཞིན་ནི།། འཁྲུལ་པ་བྱང་ཆུབ་སེམས
265a4 སུ་ཤེས།། བདག་ཉིད་ཆེན་པོའི་གཏན་ཚིགས་ཀྱིས།། ཐམས་ཅད་བྱང་ཆུབ་སེམས་སུ་ཤེས།། གང་ལྟར་གནས་ཀྱང་ཆོས་ཉིད་དོ།། དབྱིངས་དང་ཡེ་ཤེས་གཏན་ཚིགས་ནི།། དབྱིངས་ནི་དག་པའི་རྒྱུ་ཡིན་ཏེ།། ཡེ་ཤེས
265a5 འབྲས་བུ་ཉིད་དུ་གསལ།། གཅིག་ཏུ་འདུས་པས་གཟུང་འཛིན་མེད།། རང་བཞིན་དཔེ་དང་དོན་དང་ནི།། གཏན་ཚིགས་བཞི་རུ་ཤེས་པར་བྱ།། ཞེས་གསུངས་སོ།། ཡེ་ཤེས་གསང་བའི་རྒྱུད་ལས།། བྱང་ཆུབ་སེམས་ཀྱི
265a6 ལེའུ་སྟེ་གཉིས་པའོ།། །། དེ་ནས་སེམས་དཔའ་རྡོ་རྗེས། དེ་བཞིན་གཤེགས་པ་རྣམ་པར་སྣང་མཛད་ལ་འདི་སྐད་ཅེས་ཞུས་སོ།། ཁྱོད་ནི་སྨྲ་བའི་སེང་གེ་སྟེ།། རྩོལ་བྲལ་བསྟན་པ་ཐུགས་ལ་རྫོགས།། བྱམས
iiif viewer powered by OpenSeadragon
