| e-texts navigator |
| Wylie |
264a1 ཀུན་ཏུ་ཁྱབ།། མ་རིག་ཡེ་ཤེས་ཐ་དད་མེད།། མ་རྟོགས་རྟོགས་པ་ལམ་དུ་གཅིག། ཡེ་ཤེས་གསང་བའི་མཚན་ཉིད་ནི།། མ་རིག་འོད་གསལ་རྣམ་པར་དག། རྣམ་རྟོག་ཡེ་ཤེས་ཉིད་དུ་གནས།། གཞི
264a2 བཞག་རང་ལུགས་རིན་ཆེན་མཛོད།། མ་བྱུང་མ་བཙལ་གདོད་ནས་གནས།། ཡེ་ཤེས་གསང་བའི་རྣམ་པ་ནི།། སྣ་ཚོགས་སྣང་ལ་ངོས་གཟུང་མེད།། མི་དམིགས་སྒྱུ་མ་ལྷུན་གྲུབ་ནི།། རྟག་གསལ་ན་བལྟ་བ
264a3 ཡིན།། ཞེས་གསུངས་སོ།། ཡེ་ཤེས་གསང་བའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་དེ་བཞིན་གཤེགས་པ་རྣམ་པར་སྣང་མཛད་ལ།། སེམས་དཔའ་རྡོ་རྗེས་འདི་སྐད་ཅེས་གསོལ
264a4 ཏོ།། གང་དག་ཇི་ལྟར་གང་རྣམས་ལ།། ཐབས་ཉིད་གང་གིས་རྣམ་པར་དབྱེ།། ཞེས་ཞུས་པ་དང་།། དེ་བཞིན་གཤེགས་པ་རྣམ་པར་སྣང་མཛད་ཀྱིས་བཀའ་སྩལ་པ།། བྱང་ཆུབ་སེམས་ཀྱི་རང་བཞིན་ནི།། སྣང་སྲིད
264a5 སྣོད་བཅུད་ཀུན་ལ་ཁྱབ།། ཆོས་རྣམས་ཀུན་གྱི་ངོ་བོར་ཤར།། སངས་རྒྱས་སྐུ་གསུང་ཡེ་ཤེས་ཐུགས།། སེམས་ཅན་ལུས་ངག་ཡིད་ལ་ཁྱབ།། ཐམས་ཅད་དབྱེར་མེད་བྱང་ཆུབ་སེམས།། དེ་ལྟར་དག་པའི་དོན་རིག
264a6 ན།། ཐམས་ཅད་སྐུ་གསུང་ཐུགས་ཡིན་ནོ།། རང་བྱུང་ལྔ་རུ་སྣང་བ་ལ།། རང་བྱུང་ཉིད་དུ་མ་རིག་པས།། ཞེན་པ་ལྔ་རུ་ཕྱིན་ཅི་ལོག། འབྲས་བུ་ཁམས་གསུམ་སེམས་ཅན་བྱུང་།། དཔེ་ནི་ནམ་མཁའ་ལྟ་བུ་སྟེ།། མཐའ
iiif viewer powered by OpenSeadragon
