| e-texts navigator |
| Wylie |
262b1 རྗེ་ཐུགས་ཀ་ནས་ཕྱུང་ནས།། རིན་པོ་ཆེ་རང་འབར་གྱི་འཁོར་ལོ་ལག་ཏུ་གཏད་ནས།། འདི་སྐད་ཅེས་གསུངས་སོ།། གཉིས་མེད་ཡེ་ཤེས་གསང་བའི་དོན།། བྱར་མེད་མི་རྩོལ་ཡེ་སངས་རྒྱས།། དབུ་མ་ཆེན་པོ་དྲང་པོའི
262b2 ལམ།། འདུས་པའི་ཚོགས་ལ་བསྟན་པར་གྱིས།། ཞེས་གསུངས་སོ།། དེ་ནས་སེམས་དཔའ་རྡོ་རྗེས།། རྡོ་རྗེ་སེམས་དཔའ་ལ་འདི་སྐད་ཅེས་གསོལ་ཏོ།། རྡོ་རྗེ་སེམ་དཔའ་ནམ་མཁའ་ཆེ།། ཚིག་གི་སྤྱོད་ཡུལ་མ་ཡིན
262b3 པས།། བདག་གིས་བགྲོ་བ་ཤིན་ཏུ་དཀའ།། མ་རྟོགས་པ་ལ་ཚིག་སྒོ་ནས།། མཚོན་ནས་རྟོགས་པར་བྱ་བའི་ཕྱིར།། ཅི་རིག་པར་ནི་རྣམ་པར་དགྲོལ།། ཞེས་ཞུས་པ་དང་།། དེ་ནས་སེས་དཔའ་རྡོ་རྗེས། ཤར་ཕྱོགས་རྡོ
262b4 རྗེ། རྣམ་པར་གནོན་པའི་ཞིང་ཁམས་ན། དེ་བཞིན་གཤེགས་པ་རྡོ་རྗེ་གསང་བ་ཞེས་བྱ་བ། མི་ཕྱེད་པའི་འཁོར་དང་བཅས་པ་ལ་འདི་སྐད་ཅེས་གསོལ་ཏོ།། སེམས་ཉིད་རྡོ་རྗེ་ལྟ་བུ་ལ། སྐྱེ་འགག་འབྱུང་བ་ཇི་ལྟར
262b5 ལགས།། ཞེས་གསོལ་པ་དང་།། དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེ་གསང་བས་བཀའ་སྩལ་པ། སེམས་ཉིད་མི་འགྱུར་རྡོ་རྗེ་ལ། སྐྱེ་འགག་ཡོད་པ་མ་ཡིན
262b6 ཏེ།། རྣམ་རྟོག་བློ་ལ་སྐྱེ་འགག་བྱུང་།། ཞེས་གསུངས་སོ།། དེ་ནས་ལྷོ་ཕྱོགས་ཀྱི་འཇིག་རྟེན་གྱི་ཁམས་རིན་པོ་ཆེ་སྣང་བ་ཞེས་བྱ་བ་ན། དེ་བཞིན་གཤེགས་པ་རིན་ཆེན་ཞབས་ཞེས་བྱ་བ། རང་འབར་སྣང་བའི་ཁྲི་ལ
iiif viewer powered by OpenSeadragon
