| e-texts navigator |
| Wylie |
261b1 ལས།། ཉམས་སུ་བླངས་པའི་སྤྱོད་པའི་ལེའུ་སྟེ་བརྒྱད་པའོ།། རིན་པོ་ཆེ་འཁོར་ལོའི་རྒྱུད་རྫོགས་སོ།། །། གདམས་པའི་རྒྱ་དང་ལྡན་པར་གྱིས།། གདམས་པའི་རྒྱ་དང་མི་ལྡན་ན།། སྲིད་པ་ཡི་ནི་མཚོ་འཁྲུགས
261b2 སོ།། དེ་ཕྱིར་གདམས་པའི་རྒྱ་རྣམས་གཅེས།། །། @#།། རྒྱ་གར་སྐད་དུ། ཛྙཱ་ན་གུ་ཧྱ་ནཱ་མ་ཏནྟྲ།། བོད་སྐད་དུ། ཡེ་ཤེས་གསང་བ་ཞེས་བྱ་བའི་རྒྱུད། ཡེ་ཤེས་གསང་བ་ཟུགས་ཀྱི་རང
261b3 བཞིན་ལ་ཕྱག་འཚལ་ལོ།། འདི་སྐད་བདག་གིས་བཤད་པའི་དུས་གཅིག་ན། ཡེ་ཤེས་གསང་བའི་གནས་ཆོས་ཉིད་ཀྱི་མཁའ། མཐའ་དབུས་མེད་པའི་གཞལ་ཡས་ཁང་ན་བཅོམ་ལྡན་འདས་རྫོགས་པ་ཆེན་པོ
261b4 བཞུགས་ཏེ། རང་བཞིན་གྱི་འཁོར་དང་།། རང་བཞིན་ལ་ལྟ་བའི་འཁོར་དང་། རང་བཞིན་རྟོགས་པའི་འཁོར་འདི་ལྟ་སྟེ།། ས་དང་། ཆུ་དང་། མེ་དང་། རླུང་དང་། ནམ་མཁའ་དང་། སྣང་བ་ཐམས་ཅད་དང་། ཡོངས
261b5 སུ་རྣལ་འབྱོར་ཞེས་བྱ་བ་དང་། རྣལ་འབྱོར་པ་ཆེན་པོ་ཞེས་བྱ་བ་དང་། སེམས་དཔའི་རྣལ་འབྱོར་ཞེས་བྱ་བ་དང་། ཤིན་ཏུ་རྣལ་འབྱོར་ཞེས་བྱ་བ་དང་། འདས་པའི་སངས་རྒྱས་དང་། མ་འོངས་པའི་སངས་རྒྱས
261b6 དང་།། ད་ལྟར་བྱུང་བའི་སངས་རྒྱས་རྣམས། འབྱེད་པ་མི་མངའ་བའི་ཐུགས་རྗེས་ཐབས་ཅིག་ཏུ་བཞུགས་སོ།། དེ་ནས་ལྷའི་དབང་པོས་ཕྱོགས་བཅུའི་སངས་རྒྱས་ཐམས་ཅད་ལ་འདི་སྐད་ཅེས་བསྐུལ་ཏོ།། གསུང་གི
iiif viewer powered by OpenSeadragon
