| e-texts navigator |
| Wylie |
261a1 སེམས་ཀྱི་སྤྱོད་པ་རྣམས།། དམན་པའི་སེམས་ལ་བསྟན་པ་ཡིན།། དངོས་པོའི་ཡིད་ཆེས་མ་བསྐྱེད་པར།། ལྟ་བའི་ཚིག་ལ་བློ་གཏོད་པ།། ཀུན་ཏུ་བཟང་པོར་ཁས་བླངས་ཀྱང་།། གོལ་ས་འཁྲུལ་པ་ཉིད
261a2 དུ་འགྱུར།། ཀུན་ཏུ་བཟང་པོར་ཡོངས་མཉམ་ཡང་།། རྟོགས་མ་རྟོགས་ལ་ཡོངས་མི་མཉམ།། བཀོལ་མེད་དོན་དུ་མ་སྤྱད་ན།། མུན་པའི་སྐྱེ་མཆེད་དག་ཏུ་བསྟན།། ངོ་བོ་ཉིད་ཀྱི་རྣལ་འབྱོར་པ།། གང་ལྟར་གནས་ཀྱང
261a3 གྲོལ་བར་འགྱུར།། མཚན་མའི་འཁྲུལ་པ་ལས་གྲོལ་ཏེ།། དེ་ཉིད་ངེས་རྙེད་གཞན་ན་མེད།། ཉམས་བླངས་ངེས་པར་གྲོལ་བར་འགྱུར།། མི་སྤང་ཉམས་སུ་བླངས་པའི་དོན།། འགྲོ་འདུག་དུས་རྣམས་ཐམས་ཅད
261a4 དུ།། འདུ་འབྲལ་མེད་པར་རང་བཞིན་གནས།། བྱུང་བའི་ཆོས་ནི་དགག་མི་བྱ།། མེད་པའི་ཆོས་ནི་བསྒྲུབ་མི་བྱ།། སྤངས་པས་སྤང་བར་མི་འགྱུར་ཏེ།། བསྒྲུབས་པས་འགྲུབ་པར་ག་ལ་འགྱུར།། རྒྱུ་འབྲས་གཞན
261a5 ལས་མ་བྱུང་བས།། རྒྱུ་འབྲས་མེད་པའི་ཡེ་ཤེས་ཡིན།། འཁྲུལ་རྒྱུན་ཆད་ནས་དོན་རྒྱུན་ལྡན།། གང་དུ་གནས་ཀྱང་མི་འབྲལ་ཅིང་།། རྟོགས་ནས་འབྲལ་བ་ག་ལ་ཡོད།། ཕྱི་དང་ནང་གི་འཁྲུལ་པ་རྣམས།། ཆེད་དུ་མ
261a6 སྤངས་གྲོལ་བར་འགྱུར།། དགོས་པའི་དོན་རྣམས་འབྱུང་བ་ཡི།། ཡིད་བཞིན་རིན་པོ་ཆེ་ཡི་རྒྱུད།། དེ་ཉིད་མཁས་ལས་འབྱུང་བ་ཡིན།། ལོག་པར་བརྟག་པ་ག་ལ་ཡིན།། ཞེས་གསུངས་སོ།། རིན་པོ་ཆེ་འཁོར་ལོའི་རྒྱུད
iiif viewer powered by OpenSeadragon
