| e-texts navigator |
| Wylie |
260b1 ངག་ཚིག་གཅིག་གིས།། གོང་འོག་གོལ་སྒྲིབ་གདར་ཤ་གཅད།། འཕྲང་གསུམ་ནང་དུ་སྐུངས་བཙུད་ལ།། རྫོང་གསུམ་ནང་དུ་གཙིགས་ལ་དབབ།། རྒྱལ་པོ་བཙོན་དུ་བཟུང་བ་དང་།། བློན་པོ་བསྒྱུར་ལ་གདོན་པ
260b2 དང་།། དགྲ་ཡི་བུ་རྣམས་གསད་པ་དང་།། དགྲ་གཉེན་ཆོམ་ལ་ཕེབས་པ་ཡིན།། ལྡོག་བཅས་གཉིས་ཀྱིས་འཁྲུལ་བྱུང་ན།། འཁོར་འདས་གོལ་སྒྲིབ་གདར་ཤ་གཅད།། ཅེས་གསུངས་སོ།། རིན་པོ་ཆེའི་འཁོར་ལོའི་རྒྱུད
260b3 ལས། གོལ་སྒྲིབ་གདར་ཤ་གཅད་པའི་ལེའུ་སྟེ་བདུན་པའོ།། །། དེ་སྐད་གསུངས་པའི་ཚིག་རྗེས་ལ།། སེམས་དཔའ་རྡོ་རྗེ་ལ་སོགས་པ།། གསང་བདག་ཆེན་པོས་རང་བཞིན་གྱིས།། གོལ་སྒྲིབ་གདར་ཤ
260b4 ཆོད་པ་ཡི།། ཉམས་བླངས་སྤྱོད་པ་འདི་གསུངས་སོ།། རིག་པའི་སྙིང་པོ་ཉམས་བླངས་ན།། སངས་རྒྱས་དགོངས་པ་འགྱུར་ལྡོག་མེད།། མན་ངག་གདེང་དོན་ཉམས་བླངས་ན།། འཁོར་བའི་འཁྲུལ་པར་འགྱུར་མི
260b5 སྲིད།། རྩེ་གཅིག་ཏིང་འཛིན་ཉམས་བླངས་ན།། ལས་དང་བག་ཆགས་བསྒྲིབ་མི་སྲིད།། རང་བྱུང་ཡེ་ཤེས་ཉམས་བླངས་ན།། རྒྱུ་རྐྱེན་ཆོས་ལ་བློ་མི་སྐྱེ།། ལུས་ངག་ཡིད་གསུམ་ཅི་སྤྱད་ཀྱང་།། བདེ་ཆེན་སྤྱོད་ལ་འགྱུར
260b6 ལྡོག་མེད།། དེ་རྟོགས་ཉམས་སུ་བླངས་ན་ནི།། གཟུང་འཛིན་ཞེན་པ་ལྡོག་པར་འགྱུར།། རིག་པ་ཕྱོགས་རིས་མེད་པའི་ཕྱིར།། གང་ལྟར་སྤྱད་ཀྱང་ཞེན་མི་འབྱུང་།། བླུན་པོ་དམན་པའི་སྤྱོད་ཡུལ་མིན།། ལུས་ངག
iiif viewer powered by OpenSeadragon
