| e-texts navigator |
| Wylie |
260a1 གནས་པའི་ཡེ་ཤེས་ནི།། རྟོག་གེའི་སྤྱོད་ཡུལ་མ་ཡིན་ཏེ།། ཕྲ་ཞིང་ཞི་བ་ལ་བརྟག་ཏུ་མེད།། ཟུག་རྔུའི་ནད་རྣམས་འཇོམས་མཛད་པ།། ཏིང་འཛིན་སྨན་གྱི་རྒྱལ་པོ་ཡིན།། ཞེས་གསུངས་སོ།། རིན་པོ་ཆེའི
260a2 འཁོར་ལོའི་རྒྱུད་ལས། བསྒོམ་པ་བསྟན་པའི་ལེའུ་སྟེ་དྲུག་པའོ།། །། དེ་སྐད་གསོལ་པའི་ཚིག་རྗེས་ལ།། སེམས་དཔའ་རྡོ་རྗེས་ཡང་གསོལ་པ།། ལྷ་བསྒོམ་བཀོལ་བ་མེད་པ་ལ།། གོལ་སྒྲིབ་གདར་ཤ་ཇི་ལྟར
260a3 བཅད།། དེ་སྐད་གསོལ་བའི་ཚིག་གསན་ནས།། གསང་བདག་ཆེན་པོས་ལན་བཏབ་པ།། གང་རྟོགས་དུས་ནས་དོན་གསལ་ན།། གོལ་སྒྲིབ་འཁྲུལ་པའི་ཆོས་མེད་པས།། རིག་ནས་རྐྱེན་གྱིས་ག་ལ་ཚུགས།། དེ་སྐད
260a4 གསུངས་པའི་ཚིག་རྗེས་ལ།། སེམས་དཔའ་རྡོ་རྗེས་ཡང་གསོལ་པ།། རྟོགས་ན་གོལ་སྒྲིབ་མེད་ཡོད་ཀྱང་།། དེ་མ་རྟོགས་ཀྱི་གང་ཟག་ལ།། གོལ་ས་སྒྲིབ་པ་ཇི་ལྟར་འབྱུང་།། དེ་སྐད་གསོལ་པའི་ཚིག་གསན
260a5 ནས།། གསང་བདག་ཆེན་པོས་ལན་བཏབ་པ།། དེ་མ་རྟོགས་ཀྱི་གང་ཟག་ལ།། གོལ་ས་སྒྲིབ་པ་གཉིས་སུ་བསྟན།། འགྲོ་སྒོ་ནོར་བའི་གོལ་ས་ཡིན།། གནས་དོན་མ་རྟོགས་སྒྲིབ་པ་ཡིན།། སྒོ་ལྔར་འཁྱམས་པས
260a6 འཁྲུལ་པ་ཡིན།། གོང་མས་འོག་ཏུ་འགྲོ་སྒོ་ནོར།། གོལ་ས་ཞེས་སུ་ངས་བཤད་དོ།། སྒྲིབ་གཉིས་བྱ་ཡི་མིག་བཞིན་དུ།། མ་བསྒྲིབས་ངག་ཏུ་ངས་བཤད་དོ།། ཡས་གོལ་མས་བསྒྲིབས་ཐེག་པ་རྣམས།། རྫོགས་ཆེན་མན
iiif viewer powered by OpenSeadragon
