| e-texts navigator |
| Wylie |
25b1 གདེང་དང་ལྡན་པར་གྱིས།། འདྲེ་ལ་བསམ་གྱིས་མི་ཁྱབ་སྟེ།། རྟོག་འདྲེ་འབྱུང་འདྲེ་སྟོད་ཀྱི་འདྲེ།། མི་འདྲེ་དང་ནི་རྣམ་པ་བཞི།། དེ་ཡི་རོ་སྙོམས་རོ་སྙོམས་ཚད།། འབྲས་བུ་ངེས་ཤེས་གདེང་དང་དབང་པོ་མེད་གྱུར
25b2 ན།། རྣལ་འབྱོར་དོན་དང་ལྡན་ཞེས་བྱ་བ་ཤིན་ཏུ་དཀའ།། ཐམས་ཅད་མན་ངག་ངོ་སྤྲོད་འདི་རུ་འདུས་པ་ཡིན།། སངས་རྒྱས་པ་དང་དེ་ཡི་ཐུགས་རྗེ་ཡང་།། འདི་ནི་མ་རྟོགས་གདེང་དང་མི་ལྡན་གྱིས།། འབྲས་བུ
25b3 གདེང་རྙེད་འདི་རུ་ཤེས་པར་གྱིས།། ཤེས་པས་འཁོར་བར་སྐྱེ་བའི་རྒྱུན་རྣམས་བཅད།། དེ་ལྟར་ཤེས་ན་འཁོར་བ་དོང་ནས་སྤྲུགས།། མངལ་ཁ་རྒྱ་ཡིས་ཐེབས་ཞེས་བརྗོད་པ་ཡིན།། སྲིད་གསུམ་རྣམ་དག
25b4 དགོངས་པ་རང་སྣང་ཐོབ།། ཅེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས།། གདམས་པ་དམར་ཁྲིད་ཀྱི་ལེའུ་སྟེ་ཉི་ཤུ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། འདི་དང
25b5 མི་ལྡན་རོ་སྙོམས་བྱེད།། ནོར་བུས་རྒྱལ་ས་བཟུང་བ་འདྲ།། ཐམས་ཅད་རྫོགས་པའི་ས་གཞི་པ།། ཐམས་ཅད་བསྒྲུབ་པའི་ནོར་བུར་ཤར།། ནོར་བུ་ཀུན་གྱི་ནང་ན་མཆོག། ལྷུན་གྲུབ་སྤྱན་ཆེན་མ་འགགས་པས།། འགྱུ
25b6 བའི་མིག་ཏུ་གྲུབ་པ་ཡིན།། རང་སྣང་འོད་དུ་མཐོང་བ་ཡིན།། བག་ཆགས་ཆགས་སྡང་དེ་རུ་མཐོང་།། མཐོང་སྟངས་འགྱུ་བའི་སྤྱན་ལ་བྲིས།། ཀུན་ཏུ་བཟང་པོས་མཐོང་བ་ནི།། དུས་བཞི་མཉམ་སྦྱོར་སངས་རྒྱས
iiif viewer powered by OpenSeadragon
