| e-texts navigator |
| Wylie |
259b1 གྲོལ་བས་ན།། མི་བསྒོམ་སྒོམ་པའི་རང་བཞིན་ཅན།། མི་གནས་གནས་པ་བསྒོམ་པ་ཡིན།། མ་བཙལ་རང་སོའི་བསྒོམ་པ་ཡིན།། མི་ལྷོད་མི་བསྒོམ་མི་རྩོལ་བའོ།། མ་བསྒོམས་དོན་གྱི་སྙིང་པོ་ཅན།། ཆུ་བོ་རྒྱུན་ཏུ
259b2 འབབ་པ་བཞིན།། ཆད་ཅིང་འབྲེལ་པའི་སྐབས་དང་བྲལ།། ལྟ་བསྒོམ་ཆ་སྙོམས་བཀོལ་བ་མེད།། སྤྲོ་བསྡུ་བཅོས་བསླད་གསལ་འགྲིབ་མེད།། མ་བཅོས་དོན་གྱི་སྙིང་པོ་ཅན།། རྩོལ་བསྒྲུབ་འགྱུར་བའི་གནས་མ
259b3 ཡིན།། མ་བཀོལ་བསྒོམ་པའི་དངོས་ཡིན་ཏེ།། ཇི་བཞིན་མ་བཅོས་རང་བཞིན་གནས།། ལོག་རྒྱུན་གྲོལ་ནས་དོན་རྒྱུན་ཅན།། བསམ་གཏན་རང་གནས་དོན་རྒྱུན་ལྡན།། གཞན་ལ་མི་ལྟོས་རང་བཞིན་གནས།། ཏིང
259b4 འཛིན་རྒྱུན་དུ་གནས་པའི་མཆོག། ཏིང་འཛིན་ཉམས་སུ་བླང་བའི་ཆོས།། དེ་ཉིད་རྣམ་པ་ཐམས་ཅད་དུ།། ཏིང་འཛིན་འབྱུང་འཇུག་མེད་པར་གནས།། ལོག་རྒྱུན་འགགས་ན་དེ་རྒྱུན་གསལ།། ནད་གསོ་དུག་རྣམས
259b5 འཇོམས་པ་ནི།། དེ་ཉིད་མཐུ་དང་ལྡན་པ་ཡིན།། དུས་གསུམ་སངས་རྒྱས་ཐམས་ཅད་ཀྱིས།། ཏིང་འཛིན་འདི་ལ་གཙོར་གནས་པས།། ཀུན་ནས་གང་དུ་མི་འབྲལ་ཞིང་།། མེད་ནས་གྲོལ་བ་ག་ལ་ཡོད།། ཕྱི་དང་ནང
259b6 གི་འཁྲུལ་པ་རྣམས།། གྲོལ་བ་ཉིད་ནི་ཡིན་ཟིན་པས།། དེ་དང་མི་འབྲལ་དོན་ལྡན་ནོ།། འཁྲུལ་པའི་ཞེན་པ་ལས་གྲོལ་ཏེ།། དེ་ཉིད་ངེས་རྙེད་གཞན་ན་མེད།། མི་དམིགས་བསམ་གཏན་བསྒོམ་པར་བྱ།། རང་ལ
iiif viewer powered by OpenSeadragon
