| e-texts navigator |
| Wylie |
259a1 ཡིན།། སྡུག་བསྔལ་ཤེས་པ་མི་འབྱུང་ན།། བལྟ་བ་གནད་ལ་ཕེབས་པ་ཡིན།། དགེ་སྡིག་ཤེས་པ་མི་སྐྱེ་ན།། བདེ་ཆེན་གནད་ཀྱིས་ཟིན་པ་ཡིན།། འགྱུར་ལྡོག་ཤེས་པ་མི་སྐྱེ་ན།། རིག་པ་གནད་ལ་ཕེབས
259a2 པ་ཡིན།། འཁྲུལ་པའི་ཤེས་པ་མི་སྐྱེ་ན།། གདེང་གི་གནད་ལ་ཕེབས་པ་ཡིན།། རྒྱུ་རྐྱེན་ཆོས་ལ་མི་རེ་ན།། རང་བྱུང་གནད་ལ་ཕེབས་པ་ཡིན།། རིག་པའི་རྩལ་རྣམས་རྫོགས་པ་ན།། སྟོབས་ཀྱི་གནད་ལ་ཕེབས་པ
259a3 ཡིན།། སྟོང་པ་ཕྱལ་པར་མ་སོང་ན།། རིག་པ་གནད་ལ་ཕེབས་པ་ཡིན།། རིག་པ་གཟུང་འཛིན་མི་སྐྱེ་ན།། སྟོང་པ་གནད་ལ་ཕེབས་པ་ཡིན།། རིག་སྟོང་ཐ་དད་མི་སྐྱེ་ན།། གཉིས་མེད་གནད་ལ་ཕེབས་པ
259a4 ཡིན།། གསལ་འགྲིབ་ཤེས་པ་མི་སྐྱེ་ན།། ཡེ་ཤེས་གནད་ལ་ཕེབས་པ་ཡིན།། ཞེས་གསུངས་སོ།། རིན་པོ་ཆེའི་འཁོར་ལོའི་རྒྱུད་ལས།། འཁྲུལ་པ་ལས་ལྡོག་པའི་ལྟ་བ་བསྟན་པའི་ལེའུ་སྟེ་ལྔ་པའོ།། །། དེ་སྐད
259a5 གསོལ་བའི་ཚིག་རྗེས་ལ།། སེམས་དཔའ་རྡོ་རྗེས་ཡང་གསོལ་པ།། ལྟ་བ་རྟོགས་ནས་བསྒོམ་པའི་དོན།། ཉམས་སུ་བླང་དུ་ཡོད་དམ་མེད།། དེ་སྐད་གསོལ་པའི་ཚིག་གསན་ནས།། གསང་བདག་ཆེན་པོས་ལན་བཏབ
259a6 པ།། ལྷ་སྒོམ་བཀོལ་བ་མེད་པ་ལ།། ལྟ་བཞིན་གནས་པ་བསྒོམ་པ་ཡིན།། སྒོམ་བཞིན་འཆར་བ་བལྟ་བ་ཡིན།། བལྟ་རྟོགས་བྱིང་བའི་སྐྱོན་ལས་གྲོལ།། བསྒོམ་གནས་རྒོད་པའི་སྐྱོན་ལས་གྲོལ།། བྱིང་རྒོད་སྐྱོན་ལས
iiif viewer powered by OpenSeadragon
