| e-texts navigator |
| Wylie |
258b1 པའོ།། །། དེ་སྐད་གསོལ་བའི་ཚིག་རྗེས་ལ།། སེམས་དཔའ་རྡོ་རྗེས་ཡང་གསོལ་པ།། འཁྲུལ་པ་སེལ་ནས་བལྟ་བའི་དོན།། ཉམས་སུ་བླང་དུ་ཡོད་དམ་མེད།། དེ་སྐད་གསོལ་པའི་ཚིག་གསན
258b2 ནས།། གསང་བདག་ཆེན་པོས་ལན་བཏབ་པ།། འཁྲུལ་པ་ལོག་ནས་ཡེ་ཤེས་འཆར།། འཁོར་བའི་ཤེས་པ་མ་སོལ་ན།། རང་གི་ཡེ་ཤེས་ངོས་མི་ཟིན།། སྙམ་བྱེད་བློ་དང་མ་བྲལ་ན།། ངེས་ཤེས་རྒྱུད་ལ་འཆར་མི
258b3 བཏུབ།། དེས་ན་འཁྲུལ་པ་ལྡོག་ཐབས་གཅེས།། གཞི་རྩ་མེད་པའི་ཡེ་ཤེས་ནི།། རང་བཞིན་དག་པའི་ལྟ་བ་ཡིན།། བྱ་བྲལ་འཛིན་པ་མེད་པ་ནི།། མ་བསླད་སོ་མའི་ལྟ་བ་ཡིན།། འཁྲུལ་པས་མི་སྒྲིབ་ཡེ་ཤེས
258b4 ནི།། རྟོགས་པ་གདེང་གི་ལྟ་བ་ཡིན།། མ་ཕྱེ་མ་བཀོལ་མི་གནས་ན།། ཡིན་མིན་མེད་པའི་ལྟ་བ་ཡིན།། སྤྲོས་པའི་ཆོས་རྣམས་ཤུགས་གྲོལ་ན།། ཕྱོགས་བྲལ་ཆེན་པོའི་བལྟ་བ་ཡིན།། རྐྱེན་རྟོག་ཁ་རུ་མི་འགྲོ་ན།། བལྟ།
258b5 བ་གདེང་དུ་སྐྱོལ་པ་ཡིན།། གོང་འོག་ཁྱད་པར་མ་མཐོང་ན།། ཐིག་ལེ་ཉག་གཅིག་ལྟ་བ་ཡིན།། བཟང་ངན་བླང་དོར་མི་སྐྱེ་ན།། འཁྲུལ་རྟོག་ཐམས་ཅད་ནུབ་པ་ཡིན།། སྙམ་བྱེད་ཤེས་པ་མི་སྐྱེ་ན།། བློ་ཡི་ཆོས་ལས
258b6 གྲོལ་བ་ཡིན།། སེམས་ལ་ཁུ་འཕྲིག་མི་ཟ་ན།། གོ་རྟོགས་ནང་ནས་ཤར་བ་ཡིན།། སྣང་བ་ཡུལ་གྱིས་མི་གནོད་ན།། ཕྱི་ཡི་སྒྲོ་འདོགས་ཆོད་པ་ཡིན།། བདེན་པའི་དོན་ལ་ཡིད་ཆེས་ན།། ནང་གི་སྒྲོ་འདོགས་ཆོད་པ
iiif viewer powered by OpenSeadragon
