| e-texts navigator |
| Wylie |
258a1 རྣམ་ལྔར་གསལ་བའི་ཚེ།། བློ་བུར་འཁྲུལ་པར་ཤེས་པས་ལྡོག། ཡིད་ཀྱིས་ནང་དུ་བལྟས་པའི་ཚེ།། བློ་ཡི་འཛིན་པར་ཤེས་པས་ལྡོག། བདེན་པའི་ཆོས་ལ་ཐེ་ཚོམ་ཟ།། མི་བདེན་ཆོས་ལ་ཡང་དག
258a2 འཛིན།། བདེན་རྫུན་ཤེས་པ་སྐྱེས་པའི་ཚེ།། མ་རིག་འཁྲུལ་པར་ཤེས་པས་ལྡོག། ཅི་ཡང་མི་ཤེས་མི་གསལ་ཚེ།། གདམས་པ་རྒྱུད་ལ་ཐེབས་པས་ལྡོག། སྣང་ཡང་མི་འགེགས་མི་བསྒྲུབ་ན།། ཕྱི་ཡི་འཁྲུལ་པ་སོལ་བ
258a3 ཡིན།། གསལ་ཡང་ཡུལ་ལ་མི་འཇུག་ན།། རྟེན་གྱི་འཁྲུལ་པ་སོལ་བ་ཡིན།། ནང་དུ་བདག་འཛིན་མི་སྐྱེ་ན།། འཕྲང་གི་འཁྲུལ་པ་སོལ་བ་ཡིན།། ཕྱི་ནང་ཤེས་པས་མ་བཟུང་ན།། བློ་ཡི་འཁྲུལ་པ་སོལ་བ་ཡིན།། ཡང
258a4 དག་དོན་ལ་གདེང་རྙེད་ཅིང་།། འཛིན་དང་ཐེ་ཚོམ་མ་སྐྱེས་ན།། མ་རིག་འཁྲུལ་པ་སོལ་བ་ཡིན།། རིག་པ་སྟོང་པའི་སྙིང་པོ་ཅན།། སྙིང་པོ་ངོ་ཡིས་ཟིན་པའི་ཚེ།། རྩོལ་བསྒྲུབ་འཁྲུལ་པ་སོལ་བ་ཡིན།། རྒྱུད་ཀྱི་བྱ
258a5 བཟོང་བའི་ཚེ།། ཞེན་ཆགས་འཁྲུལ་པ་སོལ་བ་ཡིན།། གཉེན་པོ་ཀློང་དུ་གྱུར་པའི་ཚེ།། རྐྱེན་གྱི་འཁྲུལ་པ་སོལ་བ་ཡིན།། ཡེ་ཤེས་ཀློང་དུ་གྱུར་པའི་ཚེ།། མ་རྟོགས་འཁྲུལ་པ་སོལ་བ་ཡིན།། ཡེ་ཤེས་རྒྱུན་ཆད་མེད་པའི
258a6 ཚེ།། དུམ་བུའི་འཁྲུལ་པ་སོལ་བ་ཡིན།། རྟོགས་པ་རང་དང་མི་འབྲལ་ཚེ།། འཁྲུལ་པ་ཐམས་ཅད་མ་སྤངས་སོལ།། ཞེས་གསུངས་སོ།། རིན་པོ་ཆེ་འཁོར་ལོའི་རྒྱུད་ལས།། འཁྲུལ་བ་བསལ་ཐབས་ཀྱི་ལེའུ་སྟེ་བཞི
iiif viewer powered by OpenSeadragon
