| e-texts navigator |
| Wylie |
257b1 ཀུན་ཏུ་འཚོལ་བའི་ཡིད།། གཞི་ནི་ཡེ་ནས་ཡོད་པ་སྟེ།། འཁྲུལ་པ་ཡིད་རྟོག་གློ་བུར་པ།། གཞི་ནི་རིག་པ་རྒྱུ་ཡིན་ཏེ།། འཁྲུལ་པ་རྣམ་རྟོག་དུམ་བུར་སྣང་།། སྨིག་ཐག་ཐོ་གཞི་དེ་ལས་སུ།། ཆུ་སྦྲུལ་མིར་འཁྲུལ་དཔེ
257b2 ཡིས་མཚོན།། བཅོས་བསླད་འཕེལ་འགྲིབ་རྒྱུ་རྐྱེན་བྲལ།། འཕོ་འགྱུར་བྱ་བཙལ་འགྱུར་བ་མེད།། དངོས་མེད་མ་བཅོས་ལྷུན་གྱིས་གྲུབ།། གློ་བུར་ཆོས་ལ་རག་ལས་མིན།། མ་བཅོས་མ་བསླད་མ་བཙལ་དོན།། འཛིན
257b3 བཅས་བློ་ལས་ཁྱད་པར་གྲོལ།། ཀུན་གཞིའི་རྣམ་ཤེས་མ་རིག་གཞི།། ལྷན་ཅིག་གནས་པའི་མ་རིག་དེ།། ཡིད་ཀྱི་རྣམ་པར་ཤེས་པའི་གཞི།། འགྱུ་བའི་ཡིད་ཀྱི་ཤེས་པ་དེ།། ཉོན་མོངས་ཅན་གྱི་ཡིད་ཀྱི་གཞི།། ཉོན
257b4 མོངས་འགྱུ་བའི་ཤེས་པ་དེ།། སྒོ་ལྔ་རྣམ་པར་ཤེས་པའི་གཞི།། ཕྱི་ལྟ་ནང་ལྷ་ཡིད་གཉིས་དེ།། འཁྲུལ་པ་གཞི་ལ་མེད་པར་བཅད།། ཅེས་གསུངས་སོ།། རིན་པོ་ཆེ་འཁོར་ལོའི་རྒྱུད་ལས།། འཁྲུལ་གཞི་རྩད་ནས་བཅད
257b5 པའི་ལེའུ་སྟེ་གསུམ་པའོ།། །། དེ་ནས་གསོལ་པའི་ཚིག་རྗེས་ལ།། སེམས་དཔའ་རྡོ་རྗེས་ཡང་གསོལ་པ།། འཁྲུལ་པ་བསལ་ཞིང་ལྡོག་པའི་ཐབས། ཁྱད་པར་ཆོས་ནི་ཡོད་དམ་མེད།། དེ་སྐད་གསོལ་པའི་ཚིག
257b6 གསན་ནས།། གསང་བདག་ཆེན་པོས་ལན་བཏབ་པ།། འཁྲུལ་པ་བསལ་ན་ཐད་དཀར་བསལ།། འཁྲུལ་པ་ལྡོག་ན་རྒྱུ་ནས་ལྡོག། སྒོ་ལྔ་ཡུལ་ལ་གསལ་དུས་སུ།། སྣང་བའི་མཚན་ཉིད་ཤེས་པས་ལྡོག། ཉོན་མོངས
iiif viewer powered by OpenSeadragon
