| e-texts navigator |
| Wylie |
257a1 ལ་ཆགས་ཤིང་འབྲལ་མི་ཕོད།། ཡི་དྭགས་གནས་སུ་ཤུགས་ཀྱིས་འཁྲུལ།། ཡང་དག་མ་ཤེས་དོན་མི་གསལ།། བྱོལ་སོང་དག་ཏུ་ཤུགས་ཀྱིས་འཁྲུལ།། འོད་གཟུགས་བཟང་ངན་ཕྲག་དོག་སྐྱེས།། མི
257a2 རྣམ་དག་ཏུ་ཤུགས་ཀྱིས་འཁྲུལ།། ང་ལས་མེད་པའི་སེམས་སྐྱེས་པས།། ལྷ་མིན་དག་ཏུ་ཤུགས་ཀྱིས་འཁྲུལ།། རྩ་བ་མ་རིག་གཉིས་ཡིན་པས།། སྣང་དང་མི་སྣང་གནོད་བྱེད་པས།། འདྲེ་ཀུན་དག་གིས་དཔེ་ཡིས
257a3 བསྟན།། གཞི་ནི་ཀུན་གཞིའི་རྣམ་ཤེས་ཡིན།། ཆགས་ལས་ཞེ་སྡང་ལུས་སུ་འཁྲུལ།། འདོད་ལས་འདོད་ཆགས་ཤ་རུ་འཁྲུལ།། གཏི་མུག་ཤ་ཡི་གཟུགས་སུ་བྱུང་།། བདེན་རྫུན་རྣམ་པ་སྣ་ཚོགས་བྱུང་།། ལྷན་ཅིག་སྐྱེས
257a4 པའི་མ་རིག་ལས།། ཀུན་བརྟགས་མ་རིག་རྟོག་པ་བྱུང་།། ཡིད་གཉིས་ཕྱི་ནང་གཉིས་སུ་བཟུང་།། ཡུལ་ལ་འཇུག་ཅིང་སྒྲིབ་རྣམས་གསོག། འབྱུང་འཇུག་ཕྱི་ནང་དག་ཏུ་བལྟ།། ཞེས་གསུངས་སོ།། རིན་པོ་ཆེ་འཁོར་ལོ
257a5 རྒྱུད་ལས། འཁྲུལ་ཚུལ་བསྟན་པའི་ལེའུ་སྟེ་གཉིས་པའོ།། །། དེ་སྐད་གསོལ་བའི་ཚིག་རྗེས་ལ།། སེམས་དཔའ་རྡོ་རྗེས་ཡང་གསོལ་པ།། གཞི་དང་འཁྲུལ་པའི་མཚན་ཉིད་དེ།། འདྲ་བའི་དཔེ་ནི་ཅི་ཡིས
257a6 མཚོན།། གཞི་དང་འཁྲུལ་པའི་ཁྱད་པར་ཅི།། འཁྲུལ་གཞི་རྩད་ནས་ཇི་ལྟར་གཅད།། དེ་སྐད་གསལ་བའི་ཚིག་གསན་ནས།། གསང་བདག་ཆེན་པོས་ལན་བཏབ་པ།། གཞི་ནི་ཀུན་གཞིའི་རྣམ་པར་ཤེས།། འཁྲུལ་པ
iiif viewer powered by OpenSeadragon
