| e-texts navigator |
| Wylie |
256b1 གཞིའི་ལེའུ་སྟེ་དང་པོའོ།། །། དེ་སྐད་གསོལ་པའི་ཚིག་རྗེས་སུ།། གསང་བདག་ཆེན་པོའི་རང་བཞིན་ལས།། སེམས་དཔའ་རྡོ་རྗེས་སླར་གསོལ་པ།། ཀུན་གཞི་སྤྱི་ས་གཅིག་པ་ལ།། འཆར་སྒོ་གཉིས་སུ་བྱུང་བ
256b2 དེ།། བྱས་པ་ལགས་སམ་བྱུང་བ་ལགས།། བྱས་ན་འདུས་བྱས་དངོས་ཡིན་པས།། བསྒྲུབས་པ་རྣམས་ཀྱང་དོན་མེད་འགྱུར།། བྱུང་བའི་མཚན་ཉིད་ཡིན་པ་ན།། བདག་ལས་བྱུང་ངམ་གཞན་ལས་བྱུང་།། ཞེས
256b3 གསོལ་པས།། གསང་བདག་ཆེན་པོས་ལན་བཏབ་པ།། ག་བུར་དག་གི་རང་བཞིན་ལ།། སྨན་དུག་མིང་དུ་མ་བཏགས་ཀྱང་།། སྨན་དུག་གཉིས་སུ་སྣང་བ་ལྟར།། ཀུན་གཞི་སྤྱི་ས་གཅིག་པ་ལས།། འཆར་སྒོ་གཉིས་སུ
256b4 ཤུགས་ཀྱིས་འབྱུང་།། སྔོན་ལ་གང་སྐྱེས་ལྡོག་བཅས་སོ།། མ་རིག་འཁྲུལ་པའི་འཆར་སྒོ་ནས།། རིག་པའི་འཆར་སྒོ་མ་ཤར་བར།། ཀུན་གཞི་འོད་ཀྱི་གཟུགས་སུ་སྣང་།། འོད་ལ་འདོད་པའི་སེམས་སྐྱེས་པས།། འདོད
256b5 ཁམས་ལྷ་རུ་ཤུགས་ཀྱིས་འཁྲུལ།། འོད་ལ་ཡང་དག་ངོས་སུ་བཟུང་།། གཟུགས་ཁམས་ལྷ་རུ་ཤུགས་ཀྱིས་འཁྲུལ།། འོད་ཀྱི་རང་བཞིན་མ་ཤེས་ཤིང་།། ཅི་ཡང་མིན་པའི་ཡིད་སྐྱེས་པས།། གཟུགས་མེད་ཁམས་སུ
256b6 ཤུགས་ཀྱིས་འཁྲུལ།། འོད་ལ་རིག་པའི་རྩལ་སྐྱེས་པས།། རྩལ་ལ་གདེང་རྙེད་རྟོག་པ་ཤར།། རིག་ལ་ཡུན་རིང་གནས་པས་ཐོབ།། འོད་ལ་ཆགས་ཤིང་ཞེ་སྡང་བྱུང་།། དམྱལ་བའི་གནས་སུ་ཤུགས་ཀྱིས་འཁྲུལ།། འོད
iiif viewer powered by OpenSeadragon
