| e-texts navigator |
| Wylie |
256a1 འཆར་སྒོ་རྣམ་པ་གཉིས་སུ་བྱུང་།། མ་རིག་འཁྲུལ་པའི་འཆར་སྒོ་དང་།། རིག་པ་ཡེ་ཤེས་འཆར་སྒོ་གཉིས།། སྤྱི་ས་དེ་ལས་བྱུང་བ་ཡིན།། འཁྲུལ་པ་བཟང་ངན་ཁྱད་པར་ལས།། རྟོགས་དང་མ་རྟོགས
256a2 གཉིས་སུ་སྣང་།། གསང་བདག་ཡེ་སངས་རྒྱས་པ་ཡིན།། རྟོགས་ནས་སངས་རྒྱས་ཆོས་ཀྱི་སྐུ།། བསྒོམས་ནས་སངས་རྒྱས་ལོངས་སྤྱོད་སྐུ།། མཉན་ནས་སངས་རྒྱས་སྤྲུལ་པའི་སྐུ།། སྐུ་གསུམ་ཞིང་ཁམས་དག་ཏུ
256a3 སྣང་།། མ་རྟོགས་འཁྲུལ་པའི་ཤེས་པ་དེ།། ཀུན་གཞི་འོད་ཀྱི་ཁང་བུ་ན།། མ་རིག་པ་ཡི་འཁྲུལ་པ་ནི།། དྲན་པ་ཕྲ་མོའི་ཡིད་བྱུང་བས།། ཡིད་ཀྱི་དྲན་པས་ཚོལ་ཁྲོ་བྱས།། བདེ་སྙམ་མི་བདེ་སྙམ་བྱུང་བས།། བདེ།
256a4 སྙམ་ཉམས་སུ་མྱོང་བ་ཡིས།། འབྲལ་མི་ཕོད་པའི་ཆགས་སེམས་སྐྱེས།། མི་བདེ་སྙམ་པའི་སེམས་བྱུང་བས།། མི་བདེ་ཡིད་ཀྱི་ཚོལ་ཁྲོ་བྱས།། ངའོ་སྙམ་པའི་དྲན་པ་སྐྱེས།། བདེ་སྡུག་སེམས་ལ་ཡུན་རིང་བས།། གསལ
256a5 སྙམ་མི་གསལ་སྙམ་གཉིས་འབྱུང་།། གསལ་མ་གསལ་ལ་ཡིད་རྟོག་སྐྱེས།། འོད་གཟུགས་རིགས་གཟུགས་གཉིས་སུ་བྱུང་།། རིག་པ་སྟོང་པའི་སྙིང་པོ་ཅན།། ཀུན་འབྱུང་རིན་པོ་ཆེ་ཡི་གཏེར།། འདོད་དགུའི
256a6 ལོངས་སྤྱོད་ཟད་མཐའ་མེད།། ཐམས་ཅད་འབྲས་བུ་འཆར་བའི་གཞི།། གསང་བདག་ཆེན་པོ་ངས་བཤད་ཀྱིས།། སེམས་དཔའ་རྡོ་རྗེ་ལེགས་པར་ཉོན།། ཅེས་གསུངས་སོ།། རིན་པོ་ཆེ་འཁོར་ལོའི་རྒྱུད་ལས། གླེང
iiif viewer powered by OpenSeadragon
