| e-texts navigator |
| Wylie |
255b1 རྒྱ་གར་སྐད་དུ།། རཏྣ་ཙཀྲ་ནཱ་མ་ཏན་ཏྲ།། བོད་སྐད་དུ།། རིན་པོ་ཆེ་འཁོར་ལོ་ཞེས་བྱ་བའི་རྒྱུད།། གསང་བདག་ཆེ་ལ་ཕྱག་འཚལ་ལོ།། བསྟན་པ་སྟོན་པ་འཁོར་གནས་དུས།། ངོ་མཚར་ཆེན་པོའི་ཚིག་ལྔ
255b2 ཡིས།། སེམས་དཔའ་རྡོ་རྗེ་ལ་སོགས་ལ།། གསང་བདག་ཆེན་པོས་བཀའ་སྩལ་པ།། སངས་རྒྱས་སེམས་ཅན་གཞི་གཅིག་ཀྱང་།། ཕྱི་ནང་སྣོད་བཅུད་གཉིས་སུ་བཟུང་།། ཡེ་ཤེས་འཁྲུལ་པ་གཉིས་སུ་སྣང་།། མུན
255b3 པའི་ནང་འཁྱམས་དོན་མི་གསལ།། གཅིག་ལ་འཆར་སྒོ་གཉིས་སུ་བྱུང་།། གཅིག་གིས་དྲུག་གི་འབྲས་བུ་མྱོང་།། མིང་མ་ཐོགས་ལས་ཤུགས་ཀྱིས་འཁྲུལ།། རིན་ཆེན་འཁོར་བའི་གནས་སུ་འཁྱམས།། སྣང་དང་མི་སྣང
255b4 གཟུགས་སུ་འཁྲུལ།། ཞེས་གསུངས་པ་དང་།། སེམས་དཔའ་རྡོ་རྗེས་སླར་གསོལ་པ།། སངས་རྒྱས་སེམས་ཅན་གཞི་གཅིག་ལ།། གཉིས་སྣང་ཤེས་པའི་མཚན་ཉིད་རྣམས།། གཅིག་པ་ལགས་སམ་ཐ་དད
255b5 ལགས།། ཞེས་གསོལ་བ་དང་།། གསང་བདག་ཆེན་པོས་ལན་གསུངས་པ།། མིང་མ་ཐོགས་ཀྱི་སྤྱིས་ནས།། སྣང་བ་དག་དང་མ་དག་གཉིས།། མཚན་ཉིད་གཉིས་སུ་སྣང་མོད་ཀྱང་།། མིང་མ་ཐོགས་སུ་སྤྱིས
255b6 གཅིག། གཅིག་མེད་གཉིས་ཀྱང་ཡིན་མ་ཡིན།། དཔེར་ན་ག་བུར་སྨན་དུག་བཞིན།། དུག་མིན་སྨན་ཀྱང་ཁོ་ན་མིན།། སྨན་དུག་ག་བུར་སྤྱི་ས་གཅིག། རྐྱེན་དང་གང་འཕྲད་སྨན་དུག་གོ། མིང་མ་ཐོགས་ཀྱི་སྤྱིས་ན།།
iiif viewer powered by OpenSeadragon
