| e-texts navigator |
| Wylie |
254b1 པའོ།། །། དེ་ནས་ཡང་སེམས་དཔའ་རྡོ་རྗེས་འདི་སྐད་ཅེས་གསོལ་ཏོ།། ཀྱེ་ཧོ་མྱོང་ཡང་གསང་བའི་བདག་པོ་ལགས། ཁྱོད་ནི་ཡེ་ཤེས་སྤྱན་དང་ལྡན།། བདག་ཅག་མོས་པའི་འཁོར་རྣམས་ལ།། རྒྱུད་ཀྱི་ཡོན
254b2 ཏན་བསྟན་དུ་གསོལ།། གསང་བའི་བདག་པོས་བཀའ་སྩལ་པ།། ཀྱེ་སེམས་དཔའ་ཆེན་པོ་ཉོན་ཅིག། རྒྱུད་རྣམས་ཀུན་གྱི་བཅུད་བསྡུས་པ།། ཡེ་ཤེས་གསང་བའི་རྒྱུད་ལ་འདུས།། ཅི་སྟེ་སྒྲོན་མས་དོན་མཐོང
254b3 བ།། ཡོན་ཏན་འབྱུང་བས་རིན་ཆེན་ཡིན།། ཡོན་ཏན་བསམ་གྱིས་མི་ཁྱབ་པས།། མིང་ཙམ་བརྗོད་པས་སྟོབས་དང་ལྡན།། དག་པར་བྱེད་ཅིང་སྐྱོན་སེལ་བས།། དངོས་གྲུབ་ངེས་པར་འབྱུང་བའོ།། བདུད་ཀྱི་དཔུང
254b4 རྣམས་འཇོམས་པར་བྱེད།། ཤ་ཁྲག་ལུས་ལས་གྲོལ་འགྱུར་ན།། འདོད་ཁམས་ཞེན་པ་མེད་པར་འཆར།། སྲིད་པའི་གནས་སུ་མི་འཇུག་པས།། ཡེ་ཤེས་ལུས་ལ་ཐེ་ཚོམ་མེད།། མུན་པ་སེལ་བྱེད་སྒྲོན་མའི
254b5 རྒྱུད།། དེ་ཐོས་མྱ་ངན་རྣམས་གསུམ་བྲལ།། རྒྱུད་ནི་རྒྱུན་ཆགས་ཞེས་བྱ་སྟེ།། འཁོར་བ་ཡང་ནི་རྒྱུད་དུ་འདོད།། འབྲེལ་དང་མ་ཚང་མེད་པ་དང་།། དགོས་པ་ཚང་བས་རྒྱུད་ཅེས་བྱ།། ཡེ་ཤེས་གསང་བ་སྒྲོན་མ་རིན་པོ
254b6 ཆེ་མན་ངག་གི་རྒྱུད་ལས།། རྒྱུད་ཀྱི་ཡོན་ཏན་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་ཡང་སེམས་དཔའ་རྡོ་རྗེས་འདི་སྐད་ཅེས་གསོལ་ཏོ།། ཀྱེ་ཧོ་གསང་བའི་བདག་པོ་ལགས།། དུས་གསུམ་མཁྱེན་པའི་རྡོ
iiif viewer powered by OpenSeadragon
