| e-texts navigator |
| Wylie |
254a1 པའོ།། །། དེ་ནས་ཡང་སེམས་དཔའ་རྡོ་རྗེས་ཞུས་པ། ཀྱེ་ཧོ་གསང་བའི་བདག་པོ་ལགས། ཁྱོད་ནི་འགྲོ་བའི་ལམ་སྟོན་པ།། མཁའ་སྤྱོད་གནས་སུ་འགྲོ་བའི་ཕྱིར།། འཕགས་པའི
254a2 ལམ་གཅིག་བསྟན་དུ་གསོལ།། གསང་བའི་བདག་པོས་བཀའ་སྩལ་པ།། ཀྱེ་སེམས་དཔའ་ཆེན་པོ་ཉོན་ཅིག། མཁའ་སྤྱོད་གནས་སུ་འོང་འདོད་ན།། དང་པོ་ཐོས་པའི་ཤེས་རབ་ཀྱིས།། ཕྱི་ནང་ཆོས་ལ་སྒྲོ་འདོགས
254a3 ཆོད།། བར་དུ་བསམ་པའི་ཤེས་རབ་ཀྱི།། དེ་དོན་རྒྱུད་ལ་གོམས་པར་བྱ།། ཐ་མ་བསྒོམ་པའི་ཤེས་རབ་ཀྱིས། བདག་ཏུ་འཛིན་པའི་ཉོན་མོངས་གཞོམ།། ཚོགས་ལམ་བླ་མ་ཚད་ལྡན་ལ།། མཉེས་པ་གསུམ་གྱི་མཆོད
254a4 པ་འབུལ། སྦྱོར་ལམ་བླ་མའི་གདམས་ངག་གིས།། གཞི་ནས་ལྷག་མཐོང་གཟུང་དུ་འཕེལ།། མཐོང་ལམ་སྤྱན་ལྔ་དག་པ་ཡིས།། རང་སེམས་སྐྱེ་མེད་མཐོང་བར་བྱ།། བསྒོམ་ལམ་ཏིང་འཛིན་རྣམ་གསུམ
254a5 གྱིས།། གཉུག་མའི་ཡིད་ལ་གོམས་པར་བྱ།། མཐར་ཕྱིན་ཉེས་པ་གཉིས་ཟད་པས།། ཆོས་རྣམས་ཟད་སར་བསྒྲལ་བར་བྱ།། ང་ནི་ཐབས་ཀྱི་ས་མཁན་ཏེ།། ཐར་ལམ་འཆོལ་བ་ལམ་འདིར་ཤོག། མཇལ་དང་ཐོས་དང
254a6 རྟོགས་དང་གོམས།། ཆོས་དང་མདོ་དང་མཛོད་དང་འཇིགས།། ཐབས་ཀྱིས་དེ་ཡིས་ངང་ལ་འཇོག། ཡེ་ཤེས་གསང་བ་སྒྲོན་མ་རིན་པོ་ཆེ་མན་ངག་གི་རྒྱུད་ལས།། འཕགས་ལམ་བསྟན་པའི་ལེའུ་སྟེ་བཅུ་བཞི
iiif viewer powered by OpenSeadragon
