| e-texts navigator |
| Wylie |
253b1 མཉེས་བྱེད་མཆོད་པ་དེ་ལ་རྫོགས།། སྡོམ་པ་གསུམ་གྱི་བསྲུང་བྱ་དེ་ལ་རྫོགས།། གནོང་ཞིང་འགྱོད་པའི་བཤགས་པ་དེ་ལ་རྫོགས།། ལེགས་པའི་བསྔོ་བ་སྨོན་ལམ་དེ་ལ་རྫོགས།། རྒྱལ་བའི་སྐུ་གསུམ་ཐོབ་ཀ་ཐུས
253b2 ཀ་ཡིན་ནམ་དེ་ལ་རྫོགས།། ཀུན་གཞི་མ་བཅོས་ཐིག་ལེ་ཉག་གཅིག་ལ།། ཡོན་ཏན་རྫོགས་པས་ཞིང་ས་གཤིན་པ་འདྲ།། ཐིག་ནི་མི་འགྱུར་རང་སེམས་སྐྱེ་མེད་ཡིན།། ལེ་ནི་གདལ་བ་མཉམ་པ་ཉིད་དུ་གསལ།། བསྡུ།
253b3 བའི་དོན་ནི་གཅིག་པས་གཅིག་ཅེས་བྱ།། མཉམ་པའི་ཚུལ་གྱིས་གོལ་སྒྲིབ་ཇི་ལྟར་སྤོངས།། མི་ལྟ་མི་བསྒོམ་མི་སྤྱད་དབྱེར་མེད་ན།། འོག་མའི་ལྟ་སྤྱོད་གནས་སུ་གོལ་མི་འགྱུར།། གང་ཡང་མི་འགྲོ་འདུག་པའི་མི་དང
253b4 མཚུངས།། མཉམ་པའི་ཚུལ་གྱིས་བདུད་རྣམས་ཇི་ལྟར་འདུལ།། མཉམ་པའི་གདེང་ལ་ཡིད་ཆེས་མ་བྲལ་ན།། བདུད་ཀྱི་བར་ཆོད་སྤྲུལ་པ་ཅི་བྱུང་ཡང་།། ཐམས་ཅད་སེམས་སུ་ཤེས་པས་ཀླན་ཀ་མི་ཚུགས་ཤིང་། ཁྱིམ
253b5 བདག་དཔའ་བོས་བསྲུངས་པའི་བུད་མེད་འདྲ།། གཟའ་གཏད་མེད་པའི་ལྟ་བའི་མཐའ་དང་བྲལ། འཛིན་པ་མེད་པས་བསྒོམས་པ་དང་ལ་གསལ།། བླང་དོར་མེད་པས་སྤྱོད་པ་གང་ལ་བཟང་ངན་མེད།། འབྲས་བུ
253b6 སྤངས་ཐོབ་མེད་པས་སྐུ་དང་ཡེ་ཤེས་གསལ།། དེ་ལྟར་རྟོགས་པའི་རྣལ་འབྱོར་པ་ལ་འཆི་བ་མེད།། ཡེ་ཤེས་གསང་བ་སྒྲོན་མ་རིན་པོ་ཆེ་མན་ངག་གི་རྒྱུད་ལས། ཡོན་ཏན་ཡར་ལྡན་གྱི་ལེའུ་སྟེ་བཅུ་གསུམ
iiif viewer powered by OpenSeadragon
