| e-texts navigator |
| Wylie |
253a1 ཡིན།། ཆོས་ཉིད་སྤྱོད་པའི་རྟགས་ནི་ཇི་ལྟར་ལགས།། གང་ལ་ཞེན་པ་མེད་པས་ཆགས་པ་ཆུང་།། མ་ནོར་དོན་ལ་ཀུན་གཞི་འགྱུར་མེད་གསལ།། རྟགས་ཆེན་དེ་ཡོད་གཞན་གྱི་ཁར་མི་ལྟུང་།། མངོན
253a2 ཤེས་སྟོབས་དང་རྫུ་འཕྲུལ་ལུང་སྟོན་འབྱུང་།། དེ་ལ་རློམ་སེམས་མེད་པར་ང་རྒྱལ་རི་བོ་སྨད།། དེ་ཡིས་སྤང་ལེན་མི་བྱེད་མཉམ་པ་ཉིད་དུ་གསལ།། ཐིག་ལེ་གཅིག་ཏུ་རྟོགས་པས་ཐ་དད་འཛིན་པ་བྲལ།། གཞན་ནས
253a3 མ་བཙལ་རང་ལ་ཡོད་པ་ངོ་མཚར་ཆེ།། རང་བཞིན་མེད་པར་ཤེས་པས་འབྲས་བུ་འབྱིན་མི་ནུས།། མ་ནོར་པ་ཡི་ཐབས་ཀྱིས་ཟིན་པས་ན།། ཉོན་མོངས་ལྔ་དང་དུག་ལྔའི་རྩ་བ་བྲལ།། དཔེར་ན་རྔ་མའི་སྙིང་པོ་གཟུང
253a4 དང་མཚུངས།། སྐྱེས་བུ་དེ་ལ་བྱ་བཙལ་མེད་པ་སྟེ།། པ་ན་ས་ཡི་འབྲས་བུ་སྨིན་པ་ལྟར།། སྨིན་པར་བྱ་བའི་རྩོལ་བ་མི་བྱེད་དང་།། བྱེད་པའི་རྩོལ་བ་དེ་ནི་སྨིན་པའི་གེགས་སུ་འགྱུར།། ཀུན་གཞི་མཉམ་པའི་ངང་ལ
253a5 ནས་པ་ནི།། འཁོར་བའི་ཆོས་ཀུན་མི་སྤང་དེ་ལ་རྫོགས།། འཕགས་པའི་བདེན་བཞིའི་ལམ་ཡང་དེ་ལ་རྫོགས།། རང་རྒྱལ་རྟེན་འབྲེལ་ལམ་ཡང་དེ་ལ་རྫོགས།། བྱང་སེམས་སྨོན་འཇུག་ལམ་ཡང་དེ་ལ
253a6 རྫོགས།། བྱང་ཆུབ་སུམ་ཅུ་རྩ་བདུན་དེ་ལ་རྫོགས།། བཅུ་ཡིས་བགྲོད་པའི་ས་ཡང་དེ་ལ་རྫོགས།། དཀྱིལ་འཁོར་རིམ་པའི་དབང་ཡང་དེ་ལ་རྫོགས།། ལྷ་དང་བཟླས་པ་ཕྲིན་ལས་ཕྱག་རྒྱ་དེ་ལ་རྫོགས།། འཕགས་པ
iiif viewer powered by OpenSeadragon
