| e-texts navigator |
| Wylie |
252b1 བྲལ་ཐབས་མེད།། དངོས་པོའི་ཆོས་ལ་ཞེན་ན་འཁོར།། ཡང་ན་རི་དྭགས་སྒྲ་ཉན་ལྟར།། ཡང་ན་གླང་པོ་མཚོ་ཕྲད་ལྟར།། ནམ་མཁའི་མདུང་བསྐོར་འདྲ་བའོ།། གང་ལ་ཐོགས་པ་མེད་པ་ནི།། རལ་གྲི་སོ་མང་འདྲ་བ
252b2 སྟེ།། གདོང་དུ་ཅི་བྱུང་ཐམས་ཅད་གཅོད།། ཡེ་ཤེས་གསང་བ་སྒྲོན་མ་རིན་པོ་ཆེ་མན་ངག་གི་རྒྱུད་ལས། ལྷ་སྒོམ་སྤྱོད་པ་མ་འདྲེས་རྫོགས་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་སེམས་དཔའ་རྡོ
252b3 རྗེས་འདི་སྐད་ཅེས་གསོལ་ཏོ།། ཀྱེ་ཧོ་གསང་བའི་བདག་པོ་ལགས།། ཐམས་ཅད་མཁྱེན་པའི་གསང་སྒོ་ནས།། ཀུན་གཞི་མ་སྐྱེས་སྟོང་པ་ལ།། ཕྱི་ནང་ཆོས་རྣམས་ཇི་ལྟར་རྫོགས།། མོས་པའི་འཁོར་ལ་བསྟན་དུ
252b4 གསོལ།། གསང་བའི་བདག་པོས་བཀའ་སྩལ་པ།། ཀྱེ་སེམས་དཔའ་ཆེན་པོ་ཉོན་ཅིག། ཀུན་གཞི་སྐྱེ་མེད་མ་བཅོས་སྟོང་པ་ཉིད།། དེ་རྟོགས་རྣལ་འབྱོར་གང་གིས་མི་གནོད་པ།། སྐྱེས་བུ་གོམས་པས་གར་རྒྱུགས་ལྷུང
252b5 མེད་ལྟར།། སྐྱེ་མེད་རྟོགས་ཤིང་འདྲིས་པའི་རྣལ་འབྱོར་པས།། གང་ལྟར་སྤྱད་ཀྱང་མི་ཉམས་ཐིག་ལེ་དང་།། ཆེད་དུ་མི་སྤང་དང་ལ་བཞག་པས་འབྲལ།། མ་སྤངས་ལྷུན་གྲུབ་བྱང་ཆུབ་ཆེན་པོར་སྤྱོད།། ཀུན་གཞི་མ
252b6 བཅོས་བརྡལ་བ་ཆེན་པོ་ཉིད།། ཆོས་ཀུན་མ་འདྲེས་བྱང་ཆུབ་སེམས་སུ་གཅིག། ཀུན་གཞི་མ་བཅོས་ངང་ལ་གང་སྤྱོད་པ།། ཆོས་རྣམས་ཀུན་ལ་མི་སྤྱོད་མི་རྟོག་ན།། སྤྱོད་མེད་གནས་ལུགས་རྟོགས་པའི་སྤྱོད་པ
iiif viewer powered by OpenSeadragon
