| e-texts navigator |
| Wylie |
250b1 འཛིན་འདག་པར་རྡོ་བརྒྱབ་འདྲ།། ཐ་མ་རྩོལ་བ་དྲག་ན་གནས།། སྒྲ་ཡི་ཚེར་མས་མི་གནོད་པས།། ཏིང་འཛིན་ཉིན་མཚན་བསྲེ་བར་ནུས།། བརྟན་པ་ཡོངས་སུ་རྫོགས་བྱེད་པ།། ལུས་སེམས་ཁོང་ཀློང་གཉུག་མའི
250b2 ངདང་།། བྱང་སེམས་བདེ་བ་ཆེ་དང་ཕྲད།། མཁའ་ལྟར་མཐའ་དབུས་སེམས་ལ་མེད།། ལུས་ནི་ཡོད་དུ་མི་ཚོར་བ།། ཤིང་བལ་འདབ་མ་ལྟར་ཡང་བ།། དབུགས་ནི་ཕྱི་ནང་འགྱུ་མི་ཚོར།། སེམས་ནི་མཁའ་ལྟར་ཕྱོགས
250b3 རིས་མེད།། ཡེ་ཤེས་ཁོང་འཆར་བདེ་ཆེན་འབར།། ཡེ་ཤེས་གསང་བ་སྒྲོན་མ་རིན་པོ་ཆེ་མན་ངག་གི་རྒྱུད་ལས། རང་བྱུང་གི་ཡེ་ཤེས་གཏན་ལ་དབབ་པའི་ལེའུ་སྟེ་བཅུ་པའོ།། །། དེ་ནས་ཡང་སེམས་དཔའ་རྡོ
250b4 རྗེས་ཡང་ཞུས་པ།། ཀྱེ་གསང་བའི་བདག་པོ་ལགས།། བྱང་ཆུབ་སེམས་ནི་གཟུང་དཀའ་བས།། སེམས་ཀྱི་གཞག་ཐབས་བཤད་དུ་གསོལ།། གསང་བའི་བདག་པོས་བཀའ་སྩལ་པ།། ཀྱེ་སེམས་དཔའ་ཆེན་པོ་ཉོན
250b5 ཅིག། གཞག་ཐབས་བཙའ་ཐབས་བཅོས་ཐབས་ཚད།། དྲོད་རྟགས་སྐྱེ་ཚུལ་འབྲས་བུ་བསྟན།། གཞག་ཐབས་རྣམ་པ་གསུམ་ཡིན་ལ།། མཁའ་ལ་ཁྱུང་ལྡིང་གཞག་པ་དང་།། ཐི་བྱ་ཚང་དུ་འཇུག་པ་དང་།། བྱང་བ
250b6 བཏང་བའི་སྐྱེས་བུ་བཞིན།། མཁའ་ལ་ཁྱུང་ལྡིང་བཞག་པ་ནི།། གཤོག་པ་ཐད་བཅང་ལྡིང་བ་དང་།། རྩོལ་བསྒྲུབ་མེད་པར་ལྡིང་བ་དང་།། འོག་མ་མཐོང་བར་ལྡིང་བ་དང་།། ཡོན་ཏན་རྫོགས་པས་ལྡིང་བ་དང་།། ནང
iiif viewer powered by OpenSeadragon
