| e-texts navigator |
| Wylie |
250a1 ངག་ཐབས་ཀྱིས་ནི།། གནས་པའི་དོན་ཤེས་ཡེ་ཤེས་པས།། དེ་ལས་འདས་པའི་གོང་མ་བཅད།། བླ་ན་ཡོད་པ་ཆེན་པོ་ཡིན།། དེ་ལྟར་མ་ཤེས་བློ་ཆུང་བས།། དང་པོར་དབེན་པར་ལུས་བསྡད་ནས།། བྱ
250a2 རྒོད་མཁའ་ལ་འཕུར་བ་བཞིན།། དམིགས་གཏད་བཅས་ལ་རིག་པ་གཏད།། རླུང་སེམས་གཅིག་ཏུ་འདུས་བྱས་ཏེ།། བླ་མས་གསུངས་པ་ཇི་བཞིན་དུ།། རྩོལ་བ་དྲག་པོས་ཐུན་དུ་གཞག། མདའ་མཁན་སྨྱུག་མ་སྲོང་བ
250a3 བཞིན།། དམིགས་པའི་རྩོལ་བ་དྲག་ཏུ་བསྒྲིམ།། ཐུན་ཚད་རབ་འབྲིང་གསུམ་དུ་བཅད། ཁམས་བདེ་ཐུན་ལ་རྩོལ་སྒྲུབ་བསྐྱེད།། ཞེན་ན་རྩོལ་བ་ཀློད་ལ་བཞག། ཉམས་ཀྱི་འཆར་ལུགས་རྣམ་པ་གསུམ།། ཐོད་རྒལ
250a4 ཅིག་ཆར་རིམ་གྱིས་དང་།། བྱེ་བྲག་མང་པོ་ཤེས་པར་བྱ།། ཟིན་པའི་རྟགས་ནི་ཕྱི་རུ་འབྱུང་།། ལུས་འདར་ཡན་ལག་སྤྲུག་པ་དང་།། མཁའ་ལ་འཕུར་ཞིང་རྒྱུག་པ་དང་།། བཀྲག་དང་ལྡན་པས་འབྱུང་བ
250a5 སྙོམས།། བརྟན་ཞིང་འགུལ་དུ་མི་བཏུབ་དང་།། གཟུང་བ་སླ་ལ་གཏང་བ་དཀའ།། ཤེས་པ་དེ་དང་འགྲོགས་འདོད་ན། ཁམས་དང་མཐུན་པའི་སྤྱོད་ལམ་བྱ།། ཐུན་ཆེན་གོམས་པའི་རྣལ་འབྱོར་བྱ།། སློབ་མའི་ཏིང
250a6 འཛིན་ཞན་གྱུར་ན།། བར་དུ་བསྒྲིམས་ལ་ཐ་མར་ཀློད།། དང་པོར་ཀློད་ལ་ཐ་མར་བསྒྲིམ།། ཏིང་འཛིན་རབ་ཏུ་གྱུར་པ་ན།། མ་བཅོས་སོ་མ་ལྷུག་པར་བཞག། རབ་འཛིན་སྦྱིན་ཕོར་མཛུབ་བཙུགས་འདྲ།། འབྲིང
iiif viewer powered by OpenSeadragon
