| e-texts navigator |
| Wylie |
24b1 ཆོས་ཀྱི་བློ་གྲོས་ཉོན།། རི་རབ་རི་ཡི་སྐེད་པ་ལ།། ཚངས་པ་ཁྱབ་འཇུག་བསྐོས་རྗེ་དང་།། སྲིད་རྗེ་བྲང་དཀར་ཐམས་ཅད་ཀྱང་།། ལྷ་དང་ཀླུ་དང་གནོད་སྦྱིན་དང་།། དྲི་ཟ་ལྟོ་འཕྱེ་ནམ་མཁའ་ལྡིང་།། མིའམ་ཅི་དང་སྲིན
24b2 པོ་དང་།། ས་ཡི་ལྷ་དང་ས་སྟེང་ལྷ།། དེ་རུ་འདུས་པའི་འབྱུང་པོ་ཀུན།། ཐམས་ཅད་ང་ལས་བྱུང་བ་ཡིན།། ཐམས་ཅད་ང་ཡི་འཁོར་བ་ཡིན།། ཐམས་ཅད་བྲན་དང་ཡང་བྲན་ཡིན།། ཡང་འཁོར་ཉིད་འཁོར་ང་ཡི
24b3 འཁོར།། དེ་ཕྱིར་འབྱུང་པོ་ཐམས་ཅད་འདུལ།། འབྱུང་པོ་ཀུན་འདུལ་ཏིང་ངེ་འཛིན།། བསྟན་པ་ཀུན་གྱི་སྡེ་དཔོན་ཡིན།། ཕྱི་ཡི་འབྱུང་པོ་ཀུན་འདུལ་བས།། བར་ཆད་ཐམས་ཅད་སེལ་བར་བྱེད།། ནང་གི་འབྱུང་པོ
24b4 ཀུན་འདུལ་བས།། ཚོགས་དྲུག་རང་སར་གྲོལ་བར་བྱེད།། གསང་བའི་འབྱུང་པོ་ཀུན་འདུལ་བས།། ཆགས་སྡང་མདུད་པ་གྲོལ་བར་བྱེད།། འབྱུང་པོ་ཀུན་གྱི་གཙོ་བོ་ནི།། ནག་པོ་ཆེན་པོ་མིག་གཅིག་པོ།། འགྱུར་མེད
24b5 དྲག་མེད་བྱ་བ་དེས།། ཐམས་ཅད་ཁ་ལོ་བསྐུར་བ་ཡིན།། ཚོགས་ཀྱི་བདག་པོ་ཚོགས་ལ་རོལ།། ཕུད་ཀྱི་བདག་པོ་ཕུད་ཉུལ་བས།། འབྱུང་པོའི་བདག་པོ་ཀུན་ཏུ་རྒྱུ།། ལུས་མེད་ལུས་པོ་ཀུན་གྱི་བདག། སྲོག་མེད་སྲོག
24b6 ཆགས་ཀུན་གྱི་བདག། དབུགས་མེད་དབུགས་ཆེན་ཀུན་གྱི་བདག། སྐྱེ་འཆི་གཉིས་ཀྱི་བདག་པོ་སྟེ།། ལུས་ཅན་ཐམས་ཅད་ཁོ་ལས་གྲུབ།། དེ་ཕྱིར་འབྱུང་པོའི་རྒྱལ་པོ་ཡིན།། ཐམས་ཅད་ཀུན་ལ་དབང་བསྒྱུར
iiif viewer powered by OpenSeadragon
