| e-texts navigator |
| Wylie |
24a1 གཞུང་ཐམས་ཅད་རྫོགས།། ཆོས་རྣམས་སྤྱི་དང་རང་གི་མཚན་ཉིད་ཀྱང་།། དུས་གཅིག་སྒྲོ་འདོགས་ཆོད་པ་ཡིན།། ལྟལྷ་ཐབས་གཅིག་གིས་ཐམས་ཅད་མཐོང་།། མཁའ་ལ་སྐར་ཚོགས་མཐོང་བ
24a2 ལྟར།། འགྲོ་བ་རིགས་དྲུག་འཁྲུལ་པ་མཐོང་།། མ་རིག་པ་ཡི་སྒྲོ་འདོགས་ཆོད།། ལྷ་ཐབས་གཅིག་གིས་ཐམས་ཅད་མཐོང་།། དཔེར་ན་མེ་ལོང་བཞིན་བསྟན་ལྟར།། སངས་རྒྱས་དགོངས་པའི་མཚན་ཉིད་མཐོང་།། ཕྱི
24a3 ནང་སྒྲོ་འདོགས་དུས་གཅིག་ཆོད།། ལྟ་ཐབས་གཅིག་གིས་ཐམས་ཅད་མཐོང་།། རིན་ཆེན་མན་ཤེལ་བསྟན་པ་ལྟར།། ཕྱི་ནང་སྣོད་བཅུད་རང་གྲོལ་ཤར།། འབྲས་བུ་སྒྲོ་འདོགས་དུས་གཅིག་ཆོད།། བརྡ་དང་རྟགས་སུ
24a4 ངོ་སྤྲད་གཅེས།། གཅེས་པ་མདོར་བསྡུས་གཉིས་ལས་མེད།། ངོ་སྤྲོད་ཆེན་པོ་གསང་བ་སྟེ།། གཏེར་གསུམ་འདུས་ལ་ཚང་བ་ཡིན།། དེ་ལ་མ་རིག་ལོག་ལྟ་ཡི།། སྒྲོ་འདོགས་རང་གྲོལ་འབྲས་བུ་ནི།། དུག་ལྔ་ཁོང་ཁྲོའི
24a5 གཞི་རྒྱུ་རྐྱེན།། དངོས་པོ་རྣམ་གསུམ་ངོ་སྤྲོད་པས།། གཞི་དང་དངོས་པོའི་འཕྲང་གྲོལ་བས།། འགྲོ་དྲུག་མུ་སྟེགས་རང་སར་གྲོལ།། གྲོལ་བ་རང་བྱུང་རང་ལ་ཤར།། ཡེ་གཞི་གྲོལ་གཞི་རང་གྲོལ་དངོས།། ཐམས་ཅད
24a6 རང་གྲོལ་འབྲས་བུའི་མཆོག། ཅེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ངོ་སྤྲོད་བསྡུས་ཏེ་བསྟན་པ་ལས་འབྲས་བུ་རང་གྲོལ་གྱི་ལེའུ་སྟེ་བཅུ་དགུ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ
iiif viewer powered by OpenSeadragon
