| e-texts navigator |
| Wylie |
249b1 ལུགས་རྟོགས་པའི་མིང་།། འདི་དང་ཕྱི་མ་གཉིས་སུ་མེད།། དེ་བཞིན་དོན་ལ་གནས་པའོ།། ཚོགས་དྲུག་ལྷུག་པའི་མན་ངག་ནི།། སྐྱེས་བུ་ནད་ཀྱིས་གཟིར་བ་ལ།། མ་སྲིང་ངོ་ཚའི་རྟོག་མེད་བཞིན།། དེ་བཞིན་སེམས
249b2 ཉིད་རྟོགས་པའི་མི།། བདག་གཞན་འཛིན་པའི་རྟོག་པ་མེད།། རྟོག་མེད་ལམ་དུ་ཁྱེར་དགོངས་པའོ།། ཡེ་ཤེས་ཐུག་ཕྲད་གདམས་ངག་ནི།། དཔེར་ན་དར་ཡའི་སྨན་བཞིན་དུ།། རེག་པས་ནད་རྣམས་ཞི་བར་བྱེད།། དེ
249b3 བཞིན་ཡེ་ཤེས་བདུད་རྩིས་ཟིན།། སེམས་ཅན་ལུས་ལ་བུདྡྷའི་ཐུགས།། སེམས་གནས་པ་ཡི་མན་ངག་ནི།། རུས་སྦལ་འཁར་གཞོང་བཞག་པ་བཞིན།། ཡན་ལག་འཁྲུམས་པས་བཟུང་མོད་ལྟར།། དེ་བཞིན་རྣལ་འབྱོར
249b4 རྣམ་རྟོག་ཆུད།། རྣལ་འབྱོར་སེམས་ལ་དབང་བསྒྱུར་བས།། འཁྲུལ་པའི་ཤེས་པས་འཁྲུལ་མི་ནུས།། ཡེ་ཤེས་གསང་བ་སྒྲོན་མ་རིན་པོ་ཆེ་མན་ངག་གི་རྒྱུད་ལས། ཡེ་ཤེས་ངོས་གཟུང་བའི་ལེའུ་སྟེ་དགུ
249b5 པའོ།། །། དེ་ནས་ཡང་སེམས་དཔའ་རྡོ་རྗེས་ཞུས་པ། ཀྱེ་ཧོ་གསང་བའི་བདག་པོ་ལགས།། རང་བྱུང་ཡེ་ཤེས་ངོ་བོ་ཉིད།། རང་ལ་འཆར་ལུགས་ཇི་ལྟར་ལགས།། བདག་ཅག་རྣམས་ལ་བསྟན་དུ
249b6 གསོལ།། གསང་བའི་བདག་པོས་ཡང་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། རང་བྱུང་ཡེ་ཤེས་ངོ་བོ་དེ།། འཆར་བའི་ཐབས་ནི་འདི་ལྟ་སྟེ།། རང་སེམས་གཉུག་མར་གནས་པ་ནི།། བླ་མའི་མན
iiif viewer powered by OpenSeadragon
