| e-texts navigator |
| Wylie |
249a1 ཡོད་ན།། རང་གིས་བཅིངས་པའི་སྲིན་བུ་བཞིན།། འབྲས་བུ་མེད་པར་བརླག་པར་འགྱུར།། དེ་བས་སངས་རྒྱས་ཐོབ་འདོད་པས།། རང་གི་སེམས་ཀྱི་རྩད་བཅད་དེ།། བསམ་མེད་ཡེ་ཤེས་སྣ་རྩེ
249a2 ཡིན།། དེས་ན་ཆོས་ཀུན་རྩ་བ་འདི།། སེམས་ཉིད་ཡིན་པར་ཤེས་པར་བྱ།། ཡེ་ཤེས་གསང་བ་སྒྲོན་མ་རིན་པོ་ཆེ་མན་ངག་གི་རྒྱུད་ལས། སྤུ་གྲི་ལྟ་བུའི་ལེའུ་སྟེ་བརྒྱད་པའོ།། །། དེ་ནས་སེམས་དཔའ་རྡོ་རྗེས
249a3 འདི་སྐད་ཅེས་གསོལ་ཏོ།། ཀྱེ་ཧོ་གསང་བའི་བདག་པོ་ལགས།། འགྲོ་བའི་སྐྱབས་མཛད་ཐུགས་རྗེ་ཅན།། བདག་ཅག་རྨོངས་པར་གྱུར་པ་ལ།། ཡེ་ཤེས་ངོས་གཟུང་བཤད་དུ་གསོལ།། གསང་བའི་བདག་པོས་ཡང
249a4 གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། དེ་ཉིད་ངོས་གཟུང་སྤྱི་བླུགས་དང་།། ཚོགས་དྲུག་ལྕུག་དང་ཐུག་ཕྲད་དང་།། གནས་པའི་ཐབས་དང་ལྔ་རུ་བཤད།། དང་པོ་ཡེ་ཤེས་ངོས་གཟུང་ནི།། སྨན་པ་མཁས
249a5 པ་ལྟ་བུ་སྟེ།། དེ་ཡིས་ནད་དང་ནད་པའི་ཉམས།། རྩ་དང་ཆུ་ཡི་སྒོ་ནས་རྟོག། ནད་ངོས་ཟིན་ན་མིང་འདོགས་བཞིན།། དེ་བཞིན་བདེ་བར་གཤེགས་པའི་རྒྱུད།། བླ་མ་མཁས་པའི་གདམས་ངག་དང་།། རང་གི་ཉམས
249a6 ཀྱི་བྱེ་བྲག་གིས།། ཚད་མ་གསུམ་ལ་བརྟེན་ནས་ནི།། ཡེ་ཤེས་མཁའ་ལྟར་ཁྱབ་པ་ལ།། ངོ་ཡིས་ཟིན་ན་བདེ་དང་འཕྲད།། ཡེ་ཤེས་སྤྱི་བླུགས་དགོངས་པ་ནི།། འཕྲུལ་གྱི་མེ་ལོང་སུམ་ཕྲུག་ལྟར།། དེ་བཞིན་གནས
iiif viewer powered by OpenSeadragon
