| e-texts navigator |
| Wylie |
248b1 སུ་མོས་པ་ལ།། རང་སེམས་བུདྡྷར་ཅེར་བསྟན་པ།། དངོས་གྲུབ་ཚེ་འདིར་ཐོགས་མེད་འཐོབ།། མ་བཙལ་ལྷུན་གྱིས་གྲུབ་པའོ།། དེ་ལྟར་མ་ཤེས་སེམས་ཅན་རྣམས།། རང་རེའི་བློ་ཡིས་བཅིངས་པ་ལ།། ཐབས་ནི་དུ
248b2 མ་གསུང་འགྱུར་ཀྱང་།། ཡང་དག་གདམས་ངག་རྒྱལ་པོ་འདི།། བཀའ་བརྒྱུད་སྤུ་གྲི་ལྟ་བུ་སྟེ།། གང་ཟག་གསུམ་ལས་འགའ་ཡི་དོན།། འབྱུང་བ་སེམས་ལ་གནས་པར་བྱ།། གང་ལ་མི་ལྟོས་མན་ངག་རྒྱུད།། ཟུང་དུ
248b3 འཇུག་པའི་ཡེ་ཤེས་ནི།། རང་ལུགས་བཞིན་དུ་ཤེས་པར་བྱ།། རྒྱུ་དང་རྐྱེན་ལ་རག་མ་ལུས།། ཐུག་ཕྲད་ཤུགས་ཀྱི་ལྷུག་པའོ།། སྐུ་གསུམ་འབྲས་བུ་རང་ཆས་པ།། ཡེ་ཤེས་རང་ཆས་ཟང་ཀ་མ།། འདི་ནི་རང་ལ་བྱིན
248b4 གྱིས་བརླབས།། རྣམ་ཤེས་འདུ་བའི་གནས་དག་ཏུ།། བག་ཕབ་ལུས་སེམས་གློད་པར་བྱ།། བརྟགས་པ་བློ་ཡི་ཞེན་པ་ལོག། མི་གནས་པ་ཡི་མཉམ་པ་ཉིད།། དགེ་བ་འཕེལ་བའི་གནས་དག་ཏུ།། ཕྲ་རགས་ཡུལ་ལ་བློ།
248b5 མི་གཟུང་།། རང་སེམས་ཐབས་ཀྱིས་མཐོང་བྱ་སྟེ།། དངོས་པོར་ལྟ་བའི་ཡུལ་ལས་འདས།། ཡང་དག་ཤེས་རབ་མིག་ཕྱེ་ནས།། རང་སེམས་དྲི་མེད་རྗེན་པ་མཐོང་།། ཐང་ལ་ཕེབས་པའི་ཏིང་འཛིན་ཡིན།། དེ་ལྟར་ཁོང
248b6 དུ་ཆུད་པ་ན།། སྐྱེས་བུ་ཕུན་སུམ་ཚོགས་པ་ཡིན།། མཐོང་བའི་ཆོས་ལ་བློ་མི་གཞག། སྟོང་བ་ལ་ཡང་དེ་བཞིན་ནོ།། སེམས་ཉིད་དྲང་པོར་བཟུང་དུ་མེད།། ངེས་པར་ངང་ལ་ཞེན་ན་འཆིངས།། འདི་ལ་ཆགས་པ་འགའ
iiif viewer powered by OpenSeadragon
