| e-texts navigator |
| Wylie |
248a1 བཞི་རྒྱུ་བའི་རྩི་དམིགས་ཅན་མིག་ཀྱང་།། རླུང་སེམས་རང་ཁར་མ་ཡན་ན།། ཕྱི་ནང་འགྱུ་བ་མེད་པ་བཞིན།། མི་སྣང་བཞིན་དུ་འགྱུ་བར་ཟད།། དཔེར་ན་ནམ་མཁའི་སྤྲིན་བཞིན་དུ།། སྤྲིན་ཚོགས་ནམ
248a2 ཡང་གནོད་མི་ནུས།། དེ་བཞིན་བྱང་ཆུབ་སེམས་ཉིད་ལ།། རྟོག་པས་འགྲིབ་པར་ཡོངས་མི་ནུས།། རང་སེམས་དག་པ་ཆོས་ཉིད་ལ།། མ་བཙལ་ལྷུན་གྱིས་གྲུབ་པ་སྟེ།། གང་ལྟར་བསྒོམས་ཀྱང་ཐིག་ལེའི་ངང་།། དཔེར
248a3 ན་ཏིལ་གྱི་མར་མེ་བཞིན།། ཕྱི་ནང་གསལ་བའི་རིག་པའི་མདངས།། རང་སེམས་རྟོགས་པས་སངས་རྒྱས་པ།། འོག་མའི་ལམ་ལྔས་མི་བགྲོད།། གསང་སྔགས་ཐབས་ལམ་སྐད་ཅིག་གིས།། སྒྲིབ་པའི་ཕུང་པོ་བསལ
248a4 བར་བྱེད།། དགའ་བདེ་སྡུག་བསྔལ་བྱུང་ཚེ་ན།། བཏང་སྙོམས་ཆེན་པོའི་ངང་བཞག་པས།། ངེས་དོན་བདུད་རྩིའི་སྨན་ཆེན་འདིས།། ཉོན་མོངས་ནད་རྣམས་ཞི་བར་མཛད།། ཡེ་ཤེས་གསང་བ་སྒྲོན་མ་རིན་པོ་ཆེ་མན
248a5 ངག་གི་རྒྱུད་ལས། མ་རིག་པའི་ནད་རྣམས་བསལ་བའི་ལེའུ་སྟེ་བདུན་པའོ།། །། དེ་ནས་ཡང་སེམས་དཔའ་རྡོ་རྗེས་ཞུས་པ།། ཀྱེ་ཧོ་གསང་བའི་བདག་པོ་ལགས།། རྣམ་པར་རྟོག་པ་གཅོད་པའི་ཕྱིར།། སྤུ་གྲི
248a6 ལྟ་བུའི་གདམས་ངག་ཅིག། བདག་ཅག་རྣམས་ལ་གསུང་དུ་གསོལ།། གསང་བའི་བདག་པོ་ཀུན་ཏུ་བཟང་པོས་བཀའ་སྩལ་པ། ཀྱེ་སེམས་དཔའ་ཆེན་པོ་ཉོན་ཅིག། རྣམ་དག་ཀུན་གྲོལ་ལམ་ཆེན་འདི།། རྒྱུད་ཀྱི་རྗེས
iiif viewer powered by OpenSeadragon
