| e-texts navigator |
| Wylie |
247b1 ཉིད་ལ།། མ་ཡེངས་གསལ་བར་བསྒོམ་པར་བྱ།། སེམས་རྟོག་མེད་ཅིང་ཡེ་ཤེས་གསལ།། གནས་ལུགས་དང་ལས་མ་གཡོས་པས།། དཔེར་ན་གསེར་གླིང་ཕྱིན་པ་འདྲ།། དགོངས་པ་རྡོ་རྗེ་འཆང་དང་མཉམ།། དེ་ཉིད
247b2 གསལ་ལ་མ་ཞེན་ན།། ཡང་དག་དོན་ལ་གནས་པ་ཡིན།། ཆགས་སྡང་གཏི་མུག་དབང་གིས་ནི།། རྒོད་ཅིང་བྱིང་བ་བྱུང་བའི་ཚེ།། ཕྱི་ནང་གསང་བ་གསུམ་པོ་ལ།། སེམས་གཏད་དེ་ནི་ཞི་བར་འགྱུར། ཁམས་བདེ་ཐུན
247b3 ནི་རིང་པར་བྱ།། མི་བདེ་ཐུན་བཞིར་བསྒོམ་པར་བྱ།། དེ་ནས་བལྟ་བས་ཐག་བཅད་དེ།། མཐའ་གཉིས་དམིགས་པའི་ཡུལ་ལས་གྲོལ།། དམིགས་པ་མེད་པ་བྱང་ཆུབ་སེམས།། གཟུང་འཛིན་མེད་པའི་ཡེ་ཤེས
247b4 ལ།། ཆོས་ཀུན་བྱང་ཆུབ་སེམས་སུ་གཅིག། སེམས་ནི་ནམ་མཁའི་མཚན་ཉིད་ལྟར།། མཚན་མ་མེད་པར་རོ་གཅིག་པས།། སྐྱེ་མེད་རྣམ་གྲོལ་བདུད་རྩིའི་ཟས།། དངོས་པོར་བལྟ་བའི་དུག་འཇོམས་པ།། བྱང་ཆུབ
247b5 སེམས་ཀྱི་ལམ་ཆེན་འདི།། དངོས་པོ་སྟོང་པ་ཉིད་ལས་གྲོལ།། གདགས་སུ་མེད་པའི་སེམས་ཉིད་ལ།། མཚན་མར་བཏགས་ན་བློ་ཡིན་པས།། ཆོས་ཉིད་བློ་ལས་འདས་པ་ཡིན།། བློ་ཡི་བློ་གྲོས་ངོ་མཚར་ཆེ།། དེ་ནི་བློ
247b6 གྲོས་དམ་པའི་རྒྱུ།། དེ་ཕྱིར་ཡོད་མེད་གཉིས་མེད་ཞེ་ན།། ཡང་དག་བྱང་ཆུབ་སེམས་ཉིད་ལ།། ཡོད་པར་སྒྲོ་མི་འདོགས་པ་དང་།། མེད་པར་སྐུར་པ་མི་འདེབས་པས།། རྟག་དང་ཆད་པའི་མཐའ་ལས་འདས།། འབྱུང
iiif viewer powered by OpenSeadragon
