| e-texts navigator |
| Wylie |
247a1 སེམས་དཔས་ཞུས་པ།། ཀྱེ་ཧོ་གསང་བའི་བདག་པོ་ལགས།། བདུད་ཀྱི་འཇིགས་པ་སེལ་བའི་ཕྱིར།། འཇིགས་མེད་སྐྱབས་ཤིག་བསྟན་དུ་གསོལ།། རྡོ་རྗེ་འཆང་གིས་བཀའ་སྩལ་པ།། ཀྱེ་སེམས་དཔའ
247a2 ཆེན་པོ་ཉོན་ཅིག། རང་སེམས་མ་རྟོགས་བདུད་དུ་ཤར།། ཡོད་པར་ངོ་ཤེས་སྐྱབས་ཡིན་པས།། ངེས་མཚོན་ངོ་སྤྲོད་འདི་ལྟར་བྱ།། སྣང་བ་ཤེས་སུ་ཤེས་པར་གྱིས།། སེམས་ཀྱི་རང་བཞིན་སྟོང་པ་ཡིན།། སྟོང་པ་འཛིན
247a3 མེད་བསམ་དུ་མེད།། བསམ་མེད་མཐའ་བྲལ་ཆོས་སྐུ་ཡིན།། ཟིན་པ་རྩོལ་བའི་ནད་དང་བྲལ།། ལྷུན་གྱིས་གནས་པར་རྟོགས་པ་ན།། དེ་དང་མ་བྲལ་རྣལ་འབྱོར་རྒྱན།། གཞན་བཙལ་འཇིགས་པའི་སྐྱབས་མི
247a4 རྙེད།། རང་བྱུང་ཡེ་ཤེས་ཁ་དྲག་སྐྱེལ་མ་འདྲ།། རང་སེམས་ཆོས་ཀྱི་སྐུར་རྟོགས་པས།། འཇིགས་པ་ཡི་ནི་ནད་དང་བྲལ།། ཡེ་ཤེས་གསང་བ་སྒྲོན་མ་རིན་པོ་ཆེ་མན་ངག་གི་རྒྱུད་ལས། བདུད་ཀྱི་འཇིགས་པ་བསལ
247a5 བའི་ལེའུ་སྟེ་དྲུག་པའོ།། ། དེ་ནས་ཡང་སེམས་དཔའ་རྡོ་རྗེས་ཞུས་པ།། ཀྱེ་གསང་བའི་བདག་པོ་ལགས།། མ་རིག་པ་ཡི་ལིང་ཐོག་སེལ་བ་ལ།། ངེས་དོན་བདུད་རྩི་ལྟ་བུའི་སྨན། ཁྱེད་ཀྱིས་བདག་ལ་གསུང་དུ
247a6 གསོལ།། གསང་བའི་བདག་པོས་བཀའ་སྩལ་པ།། ཀྱེ་ཀྱེ་སེམས་དཔའ་ཆེན་པོ་ཉོན་ཅིག། རྒྱུད་ཀྱི་རྗེས་སུ་མོས་པ་ལ།། དང་པོར་དབང་བསྐུར་ལེགས་བྱ་སྟེ།། དེ་ནས་ཡང་དག་བཤད་པར་བྱ།། ཇི་བཞིན་པ་ཡི་ཆོས
iiif viewer powered by OpenSeadragon
