| e-texts navigator |
| Wylie |
245b1 དམིགས་པ་ནི་རབ་ཏུ་སྐྱེ།། མི་དམིགས་པ་ལ་གོམས་བྱས་ནས།། དམིགས་མེད་ངོ་བོ་ཉིད་དུ་གྲུབ།། མ་ཟིན་ཟིན་ཕྱིར་སྣང་བཞི་བསྒོམ།། ཟིན་པ་བརྟན་ཕྱིར་གོམས་པར་བྱ།། འཛིན་མེད་རང་གསལ་རྟེན་མི
245b2 འཆའ།། ཟང་ཐལ་རིག་པ་རྗེན་པར་བཞག། བརྟན་པ་བོགས་དབྱུང་ལ་བཟླ་བས།། རང་སེམས་དག་པ་ཆོས་སྐུ་ཡིན།། རང་བྱུང་ཡེ་ཤེས་མཐའ་ལས་འདས།། ཞི་གནས་ལྷག་མཐོང་ཟུང་དུ་འབྲེལ།། རིག་པ་ཡུལ
245b3 གྱིས་མི་གནོད་པ།། དཔེར་ན་དངུལ་ཆུ་འཕོ་བ་འདྲ།། རྟགས་ནི་ལུས་ངག་ཡིད་གསུམ་ལ།། ལུས་ནི་འདར་ཞིང་སྤྲུག་པ་དང་།། འཕགས་དང་རྒྱུག་པའི་ལས་རྣམས་བྱེད།། ངག་ནི་རྒོད་ཅིང་ངུ་བ་དང་། ཁ་ནས་སྒྲ་སྐད
245b4 སྣ་ཚོགས་འདོན།། སེམས་ནི་འཛིན་མེད་བཏང་དཀའ་བས།། ཕྱི་ནང་ཤེས་པ་མི་འགྱུར་ཞིང་།། དཔེར་ན་སྦྱིན་ཕོར་མཛུབ་བཙུགས་བཞིན།། ཏིང་འཛིན་གོམས་པར་བྱ་བ་ནི།། རྒྱུད་དང་སྣོད་དང་དེ་བཞིན
245b5 ཉིད།། ཉམས་ནི་མིང་དུ་མི་ཐོགས་པར།། ཤེས་པ་ཁོང་ནས་དག་པ་འབྱུང་།། སྔར་མ་ཐོས་པའི་ཆོས་སྐད་འབྱུང་།། དེ་དོན་རྟོག་མེད་ཡུལ་ལ་མ་ཞེན་ན།། འཛིན་མེད་སེམས་དང་མ་བྲལ་བས།། སྤྱོད་ལམ་རྣམ་བཞི
245b6 གང་བྱེད་ཀྱང་།། སེམས་ཀྱི་རྩི་ཡིས་ཟིན་པས་ན།། འདི་ནི་གཞག་ཐབས་དམ་པ་སྟེ།། དགོངས་པ་བུདྡྷའི་ཐུགས་དང་མཉམ།། དེ་དོན་རྒྱུད་ལ་བཙའ་བ་ནི།། རྩིས་གདབ་འཛིན་པའི་རྟོག་པ་མེད།། དཔེར་ན་ཟི་བྱ་ཚང
iiif viewer powered by OpenSeadragon
